جرمنی ییتکرمهلرینینگ گزارش بیریشیچه، اوشبو مملکت پولیسی اوتگن کون (۱۷-حوت/ ۷-مارچ، جمعه)، مگدبورگ شهریده افغانستانلیک بیر کیشینی اوققه توتیب اولدیرگن.
جرمنی پولیسی بیر بیانیه آرقهلی ایتیشیچه، ۲۶ یاشر بولمیش مذکور ییگیت پیچاق بیلن خوفسیزلیک کوچلرینی تهدید قیلگن ایکن.
بیزلرنینگ «ایکس» ترماغی ده هم تعقیب قیلینگ!
جرمنی ییتکرمهلرینینگ گزارشیده کیلیشیچه، اوشبو ییگیت پولیس آرقهلی اوققه توتیلگنی پیتده، یرهلنگن و جدی شکلده جراحت کوتارگنی سبب کسلخانهده جان بیرگن.
جرمنی پولیسینینگ کوپهیتیریشیچه، خوفسیزلیک کوچلری مذکور افغانستانلیک کیشی آرقهلی اوشبو مملکت اهالیسینینگ تهدید بولگنی اساسیده گزارش قولگه کیلتیرگنلریدن کیین مگدبورگ جنوبیده جایلشگن شونبیک منطقهسیدهگی یشش بیر مجتمعگه بارگنلر.
زاکسن ایالتی پولیسیگه کوره، اوشبو ایرکک خوفسیزلیک کوچلری بیلن قرشیلشگنی چاغیده اولرگه پیچاق بیلن هجوم قیلیب و پولیس آرقهلی اوققه توتیلگن.
حاضرگچه مذکور افغانستانلیک کیشینینگ کیملیگی و جرمنی اهالیسی بیلن جنجل قیلگنی سبب بیللی بولمهگن.
بیزلرنینگ فیسبوک صحیفهمیزگه باش اورینگ!
پولیسنینگ اعلام قیلیشیچه، بو توغریده تیکشیریشلرنینگ دوامی بار.
ایتیش کیرهک که، سونگی آیلر جریانیده جرمنیده افغانستانلیک کیشیلر آرقهلی اولیملی نیچه هجوم گزارش بیریلگن.
