غزه ده اسرائیل حربی کوچلری نینگ هجوم‌لری دوام ایتماقده ایکن، اولگنلر سانی ۱۷ مینگ ۹۹۷ کیشی گه ییتگن.
غزه رسمی‌لری نینگ بیاناتی اساسیده، اسرائیل حربی کوچلری تامانیدن قمروگه آلینگن غزه نواری ده، ۷ اکتوبر دن بیری حماس و اسرائیل آره‌سیده دوام ایته‌یاتگن اوروش ده حاضرگچه فلسطین‌لیک ۱۷ مینگ ۹۹۷ کیشی قربان بولگن و اولر نینگ کوپراغینی باله‌لر و عیاللر تشکیل بیره‌دی.
بیزلرنینگ فیسبوک صحیفه‌میزگه باش اورینگ!
اسرائیل حربی کوچلری، حماس نی یوق ایتیش مقصدیده غزه نینگ تورلی منطقه‌لریده هجوم‌لری دوامیده، بوگون (دوشنبه، ۲۰-قوس)، ییر و هوا دن هجوم قیلگن.
ییتکیرمه‌لر نینگ معلوماتی اساسیده، بوگون غزه نینگ تورلی منطقه‌لریده اسرائیل کوچلری نینگ ییر و هوا هجوم‌لری عاقبتیده فلسطین‌لیک ۲۲ کیشی قربان بولگن و اولر آره‌سیده باله‌لر و عیاللر بارلیگی معلوم قیلینگن.
معلومات‌لر اساسیده، غزه ده میلادی اوشبو ییل ۷ اکتوبر دن بیری اسرائیل نینگ ییر و هوا هجوم‌لری عاقبتیده قربان بولگن‌لر گه قوشیمچه، حاضرگچه ۴۹ مینگ ۲۲۹ کیشی یره‌لنگن.
بیزلرنینگ «ایکس» ترماغی ده هم تعقیب قیلینگ!
حماس و اسرائیل آره‌سیده ییتتی کون‌لیک آتیش_کیسین جمعه، ۱۰-قوس، یکونلنیشیدن کیین ایکی تامان آره‌سیده اوروش قیته دن باشلنگن. ایکی تامان آره‌سیده‌گی آتیش-کیسین ده توپلم روشده حماس تامانیدن گروگه آلینگن ۱۰۵ اسرائیل‌لیک و اسرائیل تامانیدن حبس گه آلینگن ۲۴۰ فلسطین‌لیک قوییب یوباریلگن.
اسرائیل برچه دولت‌لر، بیرلشگن ملت‌لر تشکیلاتی و دنیا همجمعیت نینگ اوروش گه چیک قوییب و آتیش_کیسین قیلیش طلب‌لری گه اعتبار بیرمسدن، غزه ده ییر و هوا دن هجومی گه دوام بیریب کیلماقده.