اسلام امیرلیگی معلومات و مدنیت وزیرلیگی رسمی‌لری گه کوره، غزنی ده تاریخی آلتی آبده نی قیته تیکلش ایشی باشلنگن.
معلومات و مدنیت وزیرلیگی نینگ هنر و فرهنگ ایشلری بوییچه معینی عتیق‌الله عزیزی، تاریخی آلتی آبده نی قیته تیکلش ایشلرینی باشلش اوچون غزنی گه سفر قیلگن سلام‌وطندار گه ایتیشیچه، غزنی مملکت نینگ باستانی ولایت‌لریدن بیری بولیب و اوشبو ولایت ده‌گی قطار آبده‌لر قیته تیکله‌نیب و تعمیرلنیش گه نیاز دیر.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «یقینده اوشبو ولایت نینگ مهم تاریخی آبده‌لریدن بولگن باباجی مسجدی نی قیته تعمیرلش ایشلری باشلنه‌دی. اوشبو پروژه گه خواجه ملک‌یار پرنده، تاج‌اولیا، برج بالا بین قبرلری و غزنی تاریخی مناره‌لرینی تعمیرلش شامل بوله‌دی.»
غزنی معلومات و مدنیت باشلیغی حمیدالله نثار گه کوره، مذکور پروژه‌لر نینگ تطبیق قیلیش خرجتی قریب تورت میلیون افغانی تخمین ایتیلگن و «یونسکو» تشکیلاتی تامانیدن توله‌نیله‌دی.
بیزلرنینگ توییترده هم تعقیب قیلینگ!
نثار جنابلری نینگ ایتیشیچه، غزنی ده اون دن آرتیق تاریخی آبده قیته قوریلیب و تعمیرلنیش گه نیاز دیر.
ایتیش کیره‌ک که، غزنی مملکت نینگ باستانی ولایت‌لریدن بیری بولیب و مذکور ولایت ده اونلب تاریخی و باستانی آبده موجود و اولردن بیرقطاری قولش عرفه‌سیده قرار تاپگن.