جاری قویاش ییل نینگ کمیده آلتی آیی‌ده، غزنی یشاوچیلری مذکور ولایت مرکزی و تومن‌لریده کمیده ۱۰ مکتب و ۲۰دن آرتیق دینی مدرسه نینگ قوریلیش ایشینی باشله‌گنلر.
غزنی معارف ریاستی نشرات مدیری میاگل صدیق نینگ ایتیشیچه، اوشبو مکتبلر و دینی مدرسه‌لر اهالی تامانیدن ۴۵ میلیون‌دن آرتیق افغانی خره‌جت بیلن قوریلیشی ممکن. جناب صدیق نینگ کوپه‌یتیریشیچه، جاری قویاش ییل نینگ یکون‌لنیشی گه قدر، افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف) آرقه‌لی ۲۵ مکتب و غزنی معارف ریاستی بودجه‌سیدن ایسه باشقه ۲۵ مکتب نینگ بو ولایت‌ده قوریلیب یا-ده قیته قوریلیشی گه قرار آلینگن.
بیزلرنینگ فیسبوک صحیفه‌میزگه باش اورینگ!
غزنی معارف ریاستی نشرات مدیری گه کوره: «قره‌باغ، مقر، خواجه‌عمری، زنه‌خان، جاغوری، ده‌یک و اوشبو ولایت مرکزی‌ده، قریب ۷۵ جریب ییر مکتبلر و مدرسه‌لر نینگ قوریلیشی گه اختصاص بیریلگن؛ غزنی معارف ریاستی آرقه‌لی باشقه ۲۵ مکتب نینگ قوریلیشی ممکن.»
سونگی پیتلرده اهالی خره‌جتی بیلن بیر مکتب نینگ قوریلیش ایشینی باشله‌گن غزنی ولایتی جغتوی تومنی اهالی‌سی نینگ نماینده‌سی عارف نظری نینگ سلاموطندار گه ایتیشیچه، مذکور ولایت‌ده مکتب کم‌لیگی سبب اهالی مکتب قوریش گه باشله‌گن. اونینگ کوپه‌یتیریشیچه: «خیرخواه کیشیلر منطقه ایچی و تشقی‌سیده بار که یاردم بیره‌دیلر؛ بو مکتبلر نینگ بو وضعیت‌دن چیقیشی اوچون هماهنگ‌لیک بولگن. اهالی مکتب قوریلیشی اوچون خورسند دیر.»
غزنی ده‌گی اوقیتووچیلردن بیری سید بسم‌الله نینگ ایتیشیچه، اهالی تامانیدن مکتب قوریلیشی معارف ده اهالی قیین‌چیلیگی‌دن بیر قسمی نینگ حل بولینیشی و اوقووچیلر تعلیمی انگیزه‌سی خصوصیده هم تاثیر قیلیشی ممکن. «قیین‌چیلیگیمیز درسی صنف‌لر و منظم تعلیمی مکان یوقلیگی ایدی؛ انه شوو سبب مکتبلر نینگ قیته قورماقچین‌میز؛ مکتبلر قوریلیشی خصوصیده صحبت قیلینگن و ستندرد بنالر بیلن قوریلیشی ممکن.»
صنف‌داشلری بیلن ویرانه صنف‌لرده درس اوقه‌دیگن غزنی ولایتی جغتوی تومنی نینگ شاکی دره‌سیده سکیزینچی صنف اوقووچیسی بولمیش علی میثم، مکتب قوریلیشی خصوصیده یشاوچیلری اقدامی‌دن خورسند‌لیک قیلیب و ایتیشیچه: «قوریله‌دیگن بو مکتب‌لردن خورسند‌میز؛ درسی صنفیمیزده شیشه، میز و چوکی یوق ایدی و قیینچیلیک بیلن روپه‌ره ایدیک.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، غزنی معارف باشلیغی میرنصیر احمد حسینی نینگ سلاموطندار گه ایتیشیچه، اوشبو ولایت یشاوچیلری تعلیم و تربیه فایده‌سی نی بیلگنلری سبب مکتبلر و مدرسه‌لر نینگ قوریلیشی‌ده حصه قوشه‌دیلر. «مذکور ولایت اهالی‌سی همکارلیک فایده‌سینی بیلگنلر و غزنی نینگ برچه تومن‌لریده سوداگرلر و خیرخواه کیشیلر، مکتبلر نینگ قوریلیشی‌ده بیزلر بیلن همکارلیک قیله‌دیلر.»
مکتب، درسی اوسکونه‌لر و مسلکی اوقیتووچیلر کم‌لیگی افغانستان ده تعلیمی توزیم برابریده‌گی اینگ اونملی قیین‌چیلیک‌لردن دیر که سونگی ییل‌لرده تورلی ولایت یشاوچیلری و شونینگدیک یاردم بیرووچی تشقی نهادلر بو قیین‌چیلیکلر نینگ حل بولینیشی مقصد معارف وزیرلیگی بیلن همکارلیک قیلیش خصوصیده سعی‌وحرکت قیلگنلر.
