غزنی یشاوچیلری قتیق ساووق و قارلی بیر قیش نی اوتکزگنلریدن کیین، حاضر ایسه قوروق‌چیلیک‌دن اوزاق و یخشی بیر ییل نی کوتماقده‌لر.
غزنی ولایتی باشقه بیر قطار ولایت‌لر کبی کوپینچه قار و یامغیر گه شاهد بولیب و ۱۴۰۳-ییل نینگ باشلنگنی کون‌لریده‌گی یامغیرلر هم، مذکور ولایت یشاوچیلری اینیقسه ایکینچیلر و باغ‌دارلر گه امیدبخش بولگن.
شونده‌ی بیرحالده، غزنی ده کوچت ساتیش بیلن شغللنگن ۵۵ یاشر فیروز نینگ ایتیشیچه، اوشبو ولایت‌ده اوتگن قیش موسومی و ییل نینگ باشلنگنی کون‌لریده کوپینچه یامغیر یاغگنی سبب، کوچت‌لری نینگ ساتیلیشی بازاری تورت برابر یخشی‌لنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو ییل اوتگن ییل گه قره‌گنده ساتیش‌لری تورت برابر بولگن. اوتگن ایکی ییل قوروق‌چیلیک بولدی و اهالی آلاو بیریش اوچون اوندن قوللندیلر، بیراق ساتیلمه‌دی. بو ییل هیچ تاپیلمه‌یدی. هر قنچه یحیا‌خیل و باشقه منطقه‌لردن هم کوچت کیلتیرسک، ینه هم ییترلی ایمس.»
مذکور باغ‌دار نینگ سلام‌وطندار گه ایتیشلریچه، غزنی تومن‌لریده و قوشنی ولایت یشاوچیلری نینگ کوچت ساتیب آلیش و باغ قوریلیش خصوصیده کوپراق قیزیققنلر. «بو ییل هر کیم گه قره‌سه‌ی ایکی یوز-اوچ یوز کوچت آلیب کیته‌دی. سرک‌لر یانی، مکتب‌لر و باشقه ییرلر گه کوچت ایکه‌دیلر. هر ییل بیر موتر ناجو کیلتیره‌ر ایدیک، بو ییل تورت موتر ناجو کیلتیردیک. بیرته هم قالمه‌دی.»
عین حالده، کوچت آلیش اوچون کیلگن کیشی‌لردن بیری داوود هم سونگی یاغینگرچیلیک‌لردن خورسند‌لیک بیلدیریب ایتیشیچه: «بو ییرده اوزوم کوچتی اوچون کیلگن‌مین و شونینگدیک بو بادام کوچتی نی هم آلماقچین‌مین.»
غزنی ده ایکینچیلیک شرکت‌لردن بیری نینگ مسئولی روزی‌خان نینگ ایتیشیچه، اوشبو ولایت‌ده ایکینچیلر و باغ‌دارلر قوروق‌چیلیک خصوصیده کوپینچه قیین کون‌لر نی اوتکزگنلر و حاضر ایسه کوکلم موسومی ییتیب کیلیشی و سونگی یاغینگرچیلیک بیلن، مثلی کوریلمه‌گن درجه‌ده، کوچت ایکیش گه یوز کیلتیرگنلر.
روزی‌خان نینگ کوپه‌یتریشیچه: «قیش موسومی‌ده بیراز قار و یامغیر کوپ یاغدی. دهقان‌لر گه کوپراق امید تاپیلدی. دهقان‌لر گه کوپراق کوچت ایسته‌گی کیلدی. سببی هم اوشبو یاغینگرچیلیک ایدی.»
شونده‌ی بیرحالده، غزنی ایکینچیلیک، سووغاریش و چاروه‌چیلیک ریاستی مسئوللری، بو ولایت‌ده سونگی قوروق‌چیلیک قیین‌چیلیگی حلی خصوصیده خورسند‌لیک قیلیب و غزنی یشاوچیلریدن عایله‌لری نینگ اقتصادی رواجلنیشی و جمعیت یشیل‌لیگی اوچون کوچت ایکیشلری نی ایسته‌گن.
بیزلرنینگ «ایکس» ترماغی ده هم تعقیب قیلینگ!
غزنی ایکینچیلیک، سووغاریش و چاروه‌چیلیک باشلیغی محمدادریس حنیف نینگ ایتیشیچه: «یشاوچیلردن جمعیت یشیل‌لیگی اوچون بیزلر بیلن بیرلیک‌ده، همکارلیک قیلیشلری نی ایسته‌یمیز. کوچت ایککنیمیز پیتده، اولکه‌میز یشیل بوله‌دی. اولکه‌میز بار که بیز بار‌میز. مملکت نینگ آبادانچیلیگی نی ایسته‌یمیز. یشاوچیلردن مملکتی‌میز نینگ یشیل‌لیگی اوچون سعی‌وحرکت قیلیشلری نی ایسته‌یمیز.»
شونده‌ی بیرحالده، ایکینچیلیک ایش بیلرمان‌لری نینگ ایتیشلریچه، اوتگن قیش موسومی‌ده یاغینگرچیلیک میزانی یوقاریلیگی گه قره‌گنده، سرپرست حکومت و همکار نهاد‌لر، ایکینچیلر و باغ‌دارلر نینگ ترغیب قیلیش اوچون اولر نینگ اختیاری گه کوپراق امکانیت و زراعتی دارو‌لر نی قرار بیریب و بو توغریده کوپینچه آگاهی‌لیک بیریش برنامه‌لر نینگ یولگه قوییشلری کیرهک.
ایتیش کیرهک که، نیچه کون آلدین غزنی ایکینچیلیک، سووغاریش و چاروه‌چیلیک ریاستی و اوشبو ولایت بلدیه‌سی آرقه‌لی، کوچت ایکیش کمپاینی یولگه قوییلیب و بو کمپاین‌ده غزنی ولایتی مرکزی و تومن‌لریده بیر میلیون ۵۰۰ مینگ‌دن آرتیق میوه‌لی و میوه‌سیز کوچت نینگ ایکیلیشی ممکن.