غزنی ده حامله عیاللردن قطاری‌نینگ سلام‌وطندار گه ایتیشلریچه، یوره‌ک کسللیکلریگه چلینگنلر. اوشبو کسل‌لرنینگ کوپه‌یتیریشلریچه، یوره‌ک کسل‌لیکلری طفیلی تیزلیکده چرچب و نفس قیسمه گه چلینگنلر و شونینگدیک یوره‌ک کسل‌لیکلری بوییدن ایریلیش (سقط جنین)، توغریسیده اولرنینگ خواطرلنیشلری‌گه سبب بولگن.
یوره‌ک کسللیگیگه چلینگن عیاللردن بیری سمیه‌نینگ ایتیشیچه: «حامله‌لیگیم‌دن ییتی آی بولگن، ایاغلریم شیشگن، نفسم قیسیله‌دی، جوده‌یم قیین‌چیلیککه روپه‌‌ره‌من. اوتگن ییل سینگلیم حامله ایدی و یوره‌ک کسللیگیگه چلینگنی اوچون باله‌سی توشدی. بیر آی آلدین کیلیب و دارو آلدیم، دارو‌لریم‌نی بیتیردیم، بیراز یخشی‌مین، ینه کیلدیم که بیر مرته معاینه قیلدیره‌ی دیب.»
بیزلرنینگ فیسبوک صحیفه‌میزگه باش اورینگ!
شونینگدیک یوره‌ک کسللیگیگه چلینگن عیاللردن باشقه بیری صادقه‌نینگ ایتیشیچه: «بوندن آلدین فشارم بار ایدی، وزنم کوپ، حاضر نفس قیسمه هم تاپگن‌مین. تیز چرچه‌یمن، یوره‌گیم بیراز آغریدی. شفاکار گه باریب معاینه قیلدیردیم، یوره‌ک کسل‌لیک تاپگن‌سیز دیدی. بوندن آلدیم بو رقم قیین‌چیلیگیم یوق ایدی. دارو آلدیم و کوپ تشویش‌ده‌مین.»
عایله اعضالریدن بیری یوره‌ک کسللیگیگه چلینگن نازنین‌نینگ ایتیشیچه: «قیینیم‌نینگ یاشی بیراز یوقاری، یوره‌ک کسللیگی بار، نفس قیسمه‌سی بار. توی قیلگنی‌دن کیین اوی‌ده بیر قیز بولگن که قیزی‌ده هم یوره‌ک کسللیگی بار. یوریگنی چاغیده نفسی قیسه‌دی.»
غزنی ده‌گی شفاکارلر‌نینگ ایتیشلریچه، حامله عیاللرنینگ یوره‌ک کسل‌لیکلری گه چلینیشی میزانی یوقاری بولیب و حامله‌دارلیک چاغیده عامله حیاللرنی ۱۱ تور یوره‌ک کسللیگی تهدید قیله‌دی.
غزنی ده نسایی-ولادی بولیمی شفاکاری عاطف نوری‌نینگ ایتیشیچه: «حامله‌دارلیک چاغیده بیر عیال‌نی تهدید قیله‌دیگن یوره‌ک کسللیگی سانی قیغو بیلن جوده‌یم کوپ دیر؛ ۱۱ تور یوره‌ک کسللیگی بار. یوره‌ک سکته‌لری هم بو کسل‌لیکلردن بیر توری بولیب و حامله بیر عیال حامله‌دارلیک چاغیده ۱۱ تور کسل‌لیک‌نی تجربه قیله آله‌دی.»
بیزلرنینگ «ایکس» ترماغی ده هم تعقیب قیلینگ!
مذکور شفاکار‌نینگ کوپه‌یتیریشیچه، حامله عیاللر آره‌سیده یوره‌ک کسل‌لیکلری سببی، جنین‌گه آنه‌نینگ قان ییتیشتیریشی دیر. «سببی شو که حامله‌دارلیک چاغیده حامله عیال جنین تنی‌‌‌نی آوقت‌لسه و جنین‌گه قان ییتیشتیریش وظیفه‌سی‌گه ایگه دیر که بو آنه‌نینگ تنی‌گه تاثیرلری بار. چونکه قان‌نینگ پمپ بولیشی کوپه‌یه‌دی و یوره‌ک اندازه‌سی‌نینگ کته بولیشی‌گه سبب بوله‌دی. بو دوره‌ده قان حجمی کوپه‌یشی توغریسیده ۳۰ فایز، فشار یوقاری کیتیشی و آنه‌نینگ یوره‌ک اوریشی کوپه‌یشی‌دن هم ۱۰-۱۵ فایزیمیز بار.»
ایتیش کیره‌ک که، دوالنیش امکانیتلری یوقلیگی و اقتصادی قیین‌چیلیکلر سبب افغانستان ده‌گی حامله عیاللردن کوپینچه‌سی حامله‌دارلیک چاغیده شفاکار گه مراجعت قیلمه‌ی و ساغلیق توغریسیده کیره‌کلی مصلحتلرنی قولگه کیلتیره آلمه‌یدیلر.
