غزنی ده عیاللردن قطاری، اوشبو ولایت‌ده عیاللر آره‌سیده «دیسک کمر» کسل‌لیگی کوپه‌یگنی‌دن خواطر بیلدیریب و ایتیشلریچه، بو کسللیک طفیلی آغریقلر عیاللر گه اذیت قیلووچی بولیب و اونینگ دوالنیشی هم کوپینچه وقت آله‌دی.
بیر ییل‌دن بویان دیسک کمر کسل‌لیگی‌دن اذیت چیکه‌دیگن ۳۰ یاشر مکی‌نینگ سلام‌وطندار گه ایتیشیچه، شفاکارلر‌نینگ بیره‌دیگن دارولری، یالغیز فایده‌لنیش چاغیده فایده‌لی بولیب و دارو‌نینگ توخته‌تیلیشی بیلن، ینه جدی شکلده بیل آغریق‌نی حس قیله‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «بیل ییل‌دن بیری دیسک کمر تاپگن‌مین؛ کوپ قیین‌‌چیلیک بیلن روپه‌ره‌مین. دارو آله‌من و اوندن فایده‌لنیشیم چاغیده، آغریق کمه‌یه‌دی؛ دارو‌نینگ بیتیشی بیلن قیته آغریق کوپه‌یه‌دی. آغیرراق ایش قیلگنیم‌ده کوپ قیین‌چیلیککه قاله‌من و آغریغی کوپه‌یه‌دی.»
غزنی ده‌گی کسل‌لردن باشقه بیری بنین و کسل‌دارلردن سیما، بو کسللیککه چلینیش طفیلی روپه‌ره بولگنلری قیین‌چیلیکلرنی بیان قیله‌دیلر.
بنین‌نینگ ایتیشیچه: «اوتگن ییل بیر اوی‌دن باشقه بیر اوی گه کوچ قیلیش اوچون دیسک کمر تاپیلدی؛ ایاقلریم کوپ آغریدی. آغیر ایشلرنی قیلگنیم‌ده آغریغی کوپه‌یه‌دی و حتا بیران مرته جاییم‌دن توره آلمه‌یمن. شفاکار بیر تورلی پیچکاری مینگه بیرگن که ایکی کون‌دن کیین اوتکزیله‌دی. نیچه کون‌دن بیری ایرتنگ تامان سپورت هم قیله‌من که بیراز یخشی، تاثیر قیلگن.»
شونینگدیک سیما‌نینگ ایتیشیچه: «بویوک سینگلیم آلتی آی‌دن بیری دیسک کمر تاپگن. حامله‌دار و دارو هم ییه آلمه‌یدی. شفاکار گه باردیک، حامله‌دارلیک طفیلی دیسک کمر تاپگن دیدی.»
عین حالده، غزنی ده ارتوپدی بولیمی شفاکارلریدن بیری عبدالله‌نینگ ایتیشیچه، آغیر ایشلرنی انجام بیریش خصوصیده عیاللر‌نینگ بی‌پروالیگی، حامله‌دارلیک و اولر‌نینگ سپورت قیلمسلیگی، عیاللر‌نینگ بو کسللیککه روپه‌ره بولیشی اصلی سببلریدن دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «تخمینی شکلده ایتسم، مراجعت قیله‌دیگن هر آلتی عیال‌دن بیرته‌سی دیسک کمر گه چلینگن. دیسک اوزی ستون فقرات آره‌سیده دومالاق بیر غضروف دیر. ستون فقرات گه باسیم کیلگنی‌ده، انه‌شوو لیگمنتی اَیریله‌دی و دیسک ایچیدن چیقه‌دی ویولی‌ده قاره عصبی رشته تیک نی باسیم آستیده قرار بیره‌دی و انه شوو سبب آغریق اورته گه کیله‌دی. دیسک کمر کوپراق حامله‌دارلیک‌نینگ اوچینچی تریمستری‌ده بولگن عیاللرده تایپیله‌دی؛ یعنی توغیش چاغیده کوپراق دیر. سببی ایسه عیاللر‌نینگ توجه‌سیزلیگی دیر. عیاللر توخته‌ب ایشله‌یدیلر یا-ده آزیق-آوقت پیشیره‌دیلر و شو رقم کییم یووه‌دیلر و آغیر ایشلر انجام بیره‌دیلر. عادی بیر حرکت دیسک کمر گه سبب بوله آله‌دی. عیاللر‌نینگ سپورت قیلیشی و بیل اوچون تقویتی حرکتلرنی انجام بیریشلری کیره‌ک.»
ایتیش کیره‌ک که، حیات کیچیریش اوچون درست امکانیت یوقلیگی، آگاهی‌سیزلیک و کونده‌لیک سپورت‌لر گه اهالی‌نینگ کمراق قیزیقیشی، اهالی اینیقسه عیاللر آره‌سیده بو کبی کسل‌لیک‌لر گه چلینیش سانی‌نینگ کوپه‌یشی گه سبب بولگن دیر.
