سونگی آی‌لر ایچیده غزنی ده یاشلر آره‌سیده کتاب اوقیش مسابقه‌لری اوتکزیلیشی کوپه‌یگن. غزنی‌نینگ جغتوی تومنی‌ده اوتکزیلگن کتاب اوقیش مسابقه‌سی، مذکور مسابقه‌لردن بیری دیر که، اونگه ۲۰ قیشلاق‌دن ۱۵۰-۱۶۰ یاش شرکت قیلگن.
مذکور مسابقه‌نی تشکیل بیرگنلردن صفی‌الله مهدی‌زاده‌نینگ ایتیشیچه، کتاب اوقیش مسابقه‌سی بیر قیشلاق‌دن باشله‌نیب و اوشبو ولایت‌نینگ باشقه بولیم‌لریده هم رواجلنگن. اونینگ کوپه‌یتیریشیچه: «قریب ۱۶۰ یاش شرکت قیلدی؛ شرکت قیلگنلر آره‌سیده ییگیتلر و قیزلر هم بار ایدی؛ لیکن شرکت قیلگنلردن کوپینچه‌سی قیزلر ایدی. کتاب اوقیش مسابقه‌سی ککرک و شاکی منطقه‌سیده باشلنیب و باشقه بولیم‌لرده هم رواجلنگن.»
بیزلرنینگ فیسبوک صحیفه‌میزگه باش اورینگ!
کتاب اوقیش مسابقه‌لری اوتکزیلیشی‌گه علاوه، ککرک منطقه‌سیده‌گی یاشلر بیر کتاب هم آچگنلر.
ککرک یاشلر بیرلشمه‌سی اورین‌باسری رحمت‌الله‌نینگ ایتیشیچه، مذکور کتاب‌خانه‌ده تعلیمی، اجتماعی، فرهنگی و سیاست بولیمی‌ده کتاب‌لر، غزنی یشاوچیلری اختیاری‌گه قرار بیریلگن. «یاشلر کتاب آلیش اوچون کیله‌دیلر و بیر قطاری امانت شکلده اوی‌لری‌گه کتاب آلیب کیته‌دیلر.»
شونینگدیک جاغوری تومنی‌ده هک کتاب اوقیش‌گه قیزیققنلر بار. بو منطقه‌‌ده‌گی اوقووچیلر و طلبه‌لر، قیش رخصتی‌لری‌‌‌دن کتاب اوقیش مسابقه‌لری اوتکزیلیشی گه فایده‌لنه‌دیلر.
سنگ‌ماشه منطقه‌سیده کتاب اوقیش مسابقه‌سینی تشکیل بیرگنلردن خادم‌حسین احمدی‌نینگ ایتیشیچه، یاشلر مطالعه گه جوده‌یم قیزیققنلر. «جاغور‌نینگ تورلی بولیم‌لیده کتاب اوقیش مطابقه‌لری اوتکزیلگنی‌گه شاهد‌میز که هم قیشلاق‌لر بولیب و همده عمومی سطح‌ده اوتکزیله‌دی.»
بیلیم یورت استادی و تدقیقات‌چی حسن‌رضا شایان‌فر‌نینگ ایتیشیچه، کتاب اوقیش فرهنگی رواجلنیشی، جمعیت‌ده جمعی اخلاق رواجلنیشی‌گه سبب بوله‌دی. اونینگ کوپه‌یتیریشیچه: «بیر جمعیت کتاب اوقیش یولی‌دن رواجلنه‌دی و جمعیت‌نینگ برچه بولیمی‌ده جمعی اخلاق رواجلنه‌دی. کتاب اوقیش فرهنگی و اونینگ رواجلنتیریلیشی جمعیتی‌میز اوچون اساسی و کیره‌کلی دیر.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، غزنی معلومات و مدنیت باشلیغی حمید‌الله نثار‌نینگ ایتیشیچه، کتاب اوقیش مسابقه‌لری اوتکزیلیشی و عمومی کتاب‌خانه‌لر رواجلنیشی مطالعه‌گه قیزیقیش‌نینگ کوپه‌یشی‌گه سبب بوله‌دی. «اوتگن نیچه آی‌ده غزنی ده کتاب اوقیش مسابقه‌سی اوتکزیلگن که بو مسابقه‌لرگه قریب بیر مینگ کیشی شرکت قیلگن. مذکور مسابقه‌لر معلومات و مدنیت ریاستی، بیلیم یورت‌لر، مکتب‌لر، مدرسه‌لر و اهالی تامانیدن اوتکزیله‌دی.»
سونگی اوچ ییل‌ده کتاب اوقیش مسابقه‌لری اوتکزیلیشی یانیده، کتاب اوقیش فرهنگی رواجلنیشی مقصد تورلی ولایت‌لرده کیچیک و بویوک کتاب کورگزمه‌لری هم اوتکزیلگن.
