غزنی ساغلیق‌نی سقلش باشلیغی زرک رنزورمل نینگ ایتیشیچه، اوشبو ولایت‌ده توییب آوقت‌لنمه‌گن باله‌لر گه مخصوص دوالنیش بیر مرکز آچیلگن.
جناب رنزورمل نینگ کوپه‌یتیریشیچه، اوشبو دوالنیش مرکز اوتگن کون (۱۷-عقرب، پنج‌شنبه)، غزنی نینگ مقر تومنیده آچیلیب و فایده‌لنیش گه تاپشیریلگن.
بیزلرنینگ فیسبوک صحیفه‌میزگه باش اورینگ!
غزنی ساغیلق‌نی سقلش باشلیغی گه کوره، توقیز میلیون ۵۰۰ مینگ افغانی گه قوریلگن مذکور درمانی مرکز خره‌جتی، افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، آرقه‌لی توللنگن.
رنزورمل نینگ کوپه‌یتیریشیچه، بو مرکز نینگ آچیلیشی بیلن مقر تومنی و غزنی نینگ باشقه تومن‌لریده‌گی توییب آوقت‌لنمه‌گن باله‌لر گه دوالنیش زمینه‌سی یره‌تیلگن.
افغانستان ساغلیق‌نی سقلش سکتوری، دوالنیش مرکزلر، یاتاق و باشقه امکانیتلر کم‌لیگی بیلن روپه‌ره بولگن بولیم‌لردن دیر که اوتگن اوچ ییل‌ده اسلام امیرلیگی رسمی‌لری ساغلیق‌نی سقلش بولیمی‌ده‌گی کم‌چیلیکلرنی حل قیلیش اوچون سعی‌وحرکت قیلیشلرینی ایتگنلر.
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، فراه ساغلیق‌نی سقلش باشلیغی احسان‌الله شاکر نینگ ایتیشیچه، اوشبو ولایت نینگ ۱۰ تومنیده ۷۴ جریب ییر ساغلیق مرکزلر نینگ قوریلیشی اوچون اختصاص بیریلگن.
اونینگ کوپه‌یتیریشیچه، مذکور ساغلیق مرکزلر فراه نینگ بالابلوک، فراه‌رود، پشت‌رود، خاک‌سفید، اناردره، شیب‌کوه، لاش‌وجوین، گلستان، پرچمن و بکواه تومن‌لریده قوریلیشی ممکن.
