فلسطین ساغلیقنی سقلش وزیرلیگینینگ اعلام قیلیشیچه، نوار غزه گه قرشی اسرائیل اوروشی نتیجهسیده اولگنلر سانی، ۷۰ مینگدن آشگن.
۲۰۲۳-ییل، ۷-اکتبردن بویان اسرائیل هجوملریده نوار غزه بویلب کمیده ۷۰ مینگ ۱۰۰ فلسطینلیک قربان بولیب و ۱۷۰ مینگ ۹۰۰ دن آرتیق کیشی یرهلنگن.
اوتگن آی امریکا واسطهچیلیگی بیلن اسرائیل و حماس آرهسیده آتیش کیسین برقرار بولگنی بیرحالده، نوار غزه ده اسرائیلنینگ حربی هجوملری دوام قیلماقده.
ینگی موردده، اوتگن کون (۸-قوس، شنبه)، خانیونس شرقیده اسرائیلنینگ پهپادی هجومی عاقبتیده، ایکی فلسطینلیک باله قربان بولگن.
بو واقعه بیلن بیرگه، اسرائیل کوچلری نوار غزه گه قرشی ییر، دریا و هوا هجوملرینی هم باشلهگن. طبی منبعلرنینگ اعلام قیلیشیچه، بمباردمان نتیجهسیده خانیونس شمالشرقیده اوچ فلسطینلیک یرهلنگن. غزه شهرینینگ شرقی حدوددلری و رفح شرقی هم هوا هجوملر بیلن نشانگه آلینگن.
