فوتسال، بو تیز و هیجانلی سپورت توری بولیب، فوتبال گه نسبتن کیچیکراق میدانده و کمراق اویینچیلر بیلن اوتکزیلهدی. اوشبو اویین شخصی مهارت، تیزلیک و جماعهوی موفقلیککه اعتبار قرهتگن حالده، اینیقسه یاشلر آرهسیده سپورتنینگ اېنگ مشهور تورلریدن بیریگه ایلنگن.
سلاموطندار تامانیدن ۱۲ ولایتده ۲۴ یاش (۱۶ ییگیت و ۸ قیز) آرهسیده اوتکزیلگن سوراو نتیجهلریگه کوره، امکانیتلر آزلیگیگه قرهمی، یاشلر فوتسالنی اېنگ یخشی سپورت و دمآلیش ورینتی دیب بیلیشهدی.
شو بیلن بیرگه، عیاللرگه قوییلگن چېکلاولر گه قرهمی بعضی قیزلر اوی یا که حاولیده عایله اعضالری و قوشنیلر بیلن فوتسال اوینشگه موفق بولگن. اوشبو گزارشده اوی و حاولیده عایلهوی و قوشنی جماعهلر بیلن فوتسال اوینهیاتگن سکیز قیز بیلن هم صحبت اوتکزیلگن.
ننگرهار مرکزی جلالآباد شهری یشاوچیسی ۲۰ فاطمه گه کوره، حکومت تامانیدن قوییلگن چېکلاولر و عیاللر اوچون سپورت امکانیتلرینینگ یېتیشمسلیگیگه قرهمی، فوتسال گه بولگن قیزیقیشی طفیلی اویده هم اوشبو سپورت بیلن شغللنهدی و شو آرقهلی حیاتیده هیجان و قووانچنی سقلب قالهدی.
اونینگ کوپهیتیریشیچه: «اوچ ییلدن بیری بعضاً اوینهی من؛ اما رسمی مشغولاتلریمیز یوق؛ فقط دوستلر بیلن یشیرینچه مشق قیلهمیز. حدودیمیزده قیزلر اوچون مخصوص جای یوق. کوپ حاللرده یشرین جایلرده یا که حاولیده، اوی میدانیده مشق قیلهمیز؛ چونکه بو مین اوچون اوز-اوزیگه ایشانچنی آشیریشگه یاردم بیرهدی، اوز-اوزیگه بولگن ایشانچیمنی کوچهیتیرهدی و مینگه عقللیراق بولیشگه امکان بیرهدی.»
شونینگدیک، ۲۴ یاشر غور یشاوچیسی زهرا، جمعیتشناسلیک بولیمی طلبهسی، اوچ ییلدن آرتیق وقتدن بیری فوتسال اوینهیدی و هفتهسیگه ایکی کوننی دوستلری و عایله اعضالری بیلن فوتسال گه اجرهتگن، ایتیشیچه، فوتسال قیزلر کم امکانیت و هم آسانلیک بیلن اوینهی آلهدیگن یگانه اویین.
زهرانینگ کوپهیتیریشیچه: «عادتده هفتهده ایکی کون مشق قیلهمن؛ فوتسال بیلن تنیشگندن کېین کوپراق اونی افضل کوردیم، چونکه کیچیک میدان کېرهک بولهدی، کمراق اویینچی ییترلی بولهدی و هیجانی کوپراق، اینیقسه کتته میدانگه ایگه بولمهگن قیزلر اوچون.»
گزارش گه صحبت قیلگن اوغیل بالهلر هم فوتسالنی یاقتیریشلریگه اوخشش سببلرنی کېلتیریشگن. تخارلیک ۲۶ یاشر حبیبالله فیضی گه کوره، یوقاری هیجان و تار جایلرده هم اوینش امکانیتی طفیلی فوتسال گه قیزیققن و حاضرده هفتهده اوچ کوننی فوتسال اوینشگه صرفلهیدی.
او شوندهی دیېدی: «مین تخار بیلیم یورتینینگ فوتسال جماعهسیده اعضا من و بیر نیچته محلی جماعهلر بیلن هم اوینهگن من. تار جایده هم آدم اویین اوتکزه آلهدی؛ بیراق حاضر فوتسالنی کوپراق یاقتیرهمن، چونکه او ېنهده هیجانلی. بوندن تشقری، فوتسال کیچیکراق میدان طلب قیلگنی اوچون اویینلر تیزراق اوتکزیلهدی و کونیکمهلر کمراق نمایان بولهدی. یاشلر اوچون فوتسال لحظهلیک هیجانگه ایگه، یعنی او جوده هیجانلی.»
شونینگدیک، ۱۷ یاشر بلخلیک فرید، ۱۲-صنف مکتب اوقووچیسی، فوتسال گه بولگن علیحده قیزیقیشی و ولایت مسابقهلریدهگی تجربهسی بیلن ایتیشیچه، او شو یول آرقهلی رواجلنیب، کېلهجکده مملکت اوچون یوتوق کیلتیریشنی اېستهیدی. اونگه کوره: «سپورت تورلری ایچیده اېنگ کوپ یاقتیرگن اویینلریمدن بیری فوتسال. لېکن مین حرکت قیلهپمن که چینهکم فوتسالچی بولهی. حاضرگچه نیچته فوتسال جماعهلریده اوینهگن من؛ میدانده ولایت مسابقهلریده قتنشگن جماعهلرده بولگن من یخشی تجربه بولهدی.»
فوتسال گه کېنگ قیزیقیش بولیشیگه قرهمی، یاشلر سپورت میدانلرینینگ یوقلیگی، اقتصادی معمالر، مربیلرنینگ کملیگی اینیقسه قیزلر اوچون و حکومتنینگ قۉللب-قوتلمسلیگیدن شکایت قیلماقدهلر. ۲۵ یاشر کابل یشاوچیسی و انجنیرلیک بولیمی طلبهسی شعیب عزیزی گه کوره، حکومت تامانیدن فوتسال بوییچه یاشلرنینگ رواجلنیشیگه یاردم بیریلمسلیگی، بو سپورتنینگ رواجلنمهیاتگنینینگ اساسی سببی دیر.
اونینگ کوپهیتیریشیچه: «امکانیتلرنینگ یوقلیگی، مالیهوی قۉللب-قوتلشنینگ بولمسلیگی و رسمی مسابقهلرنینگ کملیگی بیزنینگ اساسی معمالریمیزدن دیر. بیز کوپ مشق قیلهمیز، اما اۉزیمیزنی کورسهتیش امکانیتیمیز یوق، امکانیتلر جوده آز. اگر قۉللب-قوتلش بولسه یخشی بولردی، لېکن افغانستانده فوتسالچیلر اوچون مسلکی رواجلنیش امکانیتی هنوز چېکلنگن.»
بادغیسلیک سلیمان تورت ییلدن آرتیق وقت دوامیده فوتسال بیلن تنیشیب بولگن همده هفتهده اوچ کون سپورت بیلن شغللنهدیگن ییگیت، اقتصادی معمالر و مسلکی مربینینگ یوقلیگی او دوچ کېلهیاتگن قیینچیلیکلردن اېکنینی ایتهدی.
او شوندهی دیېدی: «بیزنینگ منطقهمیزده فوتسال اوچون ماس میدان یوق، فقط خصوصی سپورت جمنازیوملری بار، اولر هم کتته پول طلب قیلهدی. فوتسال یولیده معمالر-مسلکی مربینینگ یوقلیگی، امکانیتلرنینگ کملیگی و اقتصادی قیینچلیکلر دیر.»
باشقه تاماندن، بیرقطار سپورت بیلرمانلری، فوتسالنینگ یاشلر گه بولگن افضللیکلرینی تأکیدلب بو اویین نهفقط ساغلام هاردیق اېکنینی بلکه روحی و اجتماعی جهتدن هم یاشلرگه ایجابی تأثیر کورسهتیشینی ایتهدیلر.
سپورت بوییچه بیلرمان شهزاد شیرزاد، فوتسالنینگ جسمانی و روحی افضللیکلرینی تأکیدلرکن، بو سپورتنی یاشلر اورتهسیده بیردملیک و اجتماعی تینگلیکنی مستحکملاوچی عامل دیب بیلهدی. اونگه کوره، فوتسال همکارلیک روحینی شکللنتیریشده و اجتماعی تفاوتلرنی کمهیتیریشده مهم رول اوینشی ممکن.
اونگه کوره: «بو سپورت چیدهملیک، کوچ و ماسلشووچنلیکنی آشیرهدی. کیچیک میدانده اوینش و دایمی یوگوریش یورهک و اوپکهنینگ مستحکملنیشیگه یاردم بیرهدی؛ کیچیک میدانده نظارت قیلیش اېسه حرکت کونیکمهلری، تیزکار جواب بیریش قابلیتی و تنه اعضالرینینگ اویغونلیگینی رواجلنتیرهدی. قیین شرایطلرده فوتسال اوینهیاتگن یاشلر اوچون فوتسال استرسنی کمهیتیریش، اۉزیگه ایشانچ و اۉزینی قدرلش حسینی آشیریش اوچون میدان یرهتهدی.»
سپورت بوییچه بیلرمانلردن باشقه بیری مصطفا هاشمی، فوتسالنینگ رواجلنیشی و یاشلرنینگ قیزیقیشینی ترقیات یولی دیب حسابلهیدی و تأکیدلهیدی که، عیاللر امکانیتلرنینگ چېکلنگنلیگی سببلی، کیچیک و یا که ترتیبدهگی سپورتلر اوچون کوپراق امکانیت گه ایگه بولیشلری کېرهک.
او شوندهی دیېدی: «فوتسالدن تشقری یوگا، اتلاتیک، یوگوریش و فتنس کبی سپورت تورلری عیاللر اوچون جوده فایدهلی و ثمرهلی بولیشی ممکن؛ شبههسیز بو اولرنینگ ساغلییگیگه و عقل-ادراکیگه ایجابی تأثیر کورستهدی. اوتکزیلگن تدقیقاتلر گه کوره، سپورت بیلن شغللنووچیلر سپورت قیلمهیدیگنلر گه نسبتن عقلی زیرهک و ذکا بولیشهدی.»
المپیک کمیتهسی، جسمانی تربیهلش سپورت عمومی ریاستی سۉزلاوچیسی محمداتل مشوانی، حکومتنینگ قۉللب-قوتلشی و موجود دستورلرگه اعتبار قرهتیب، بو کمیته فوتبال فدراسیونی قمراویده اوشبو سپورت تورینینگ رواجلنیشی اوچون فعالیت آلیب باریشینی ایتهدی. اونینگ کوپهیتیریشیچه: «عموماً آلگنده، بوتون مملکت بویلب تخمیناً ۱۰ مینگگه یقین کلوب و اویینچی فعالیت یوریتماقده؛ اولر مملکتنینگ تورلی حدودلریده مشغولاتلر آلیب باریشهدی.»
شو بیلن بیرگه، میلادی ۲۰۲۵-ییلده افغانستان ملی فوتسال تیرمه جماعهسی سۉنگی خلقارا فوتسال ریتینگیده ۳۳-اوریننی ایگللهدی و آسیا ریتینگیده ییتینچی اورینده تورهدی. بوندن آلدین، میلادی ۲۰۲۴-ییلده افغانستان فوتسال جماعهسی بیرینچی مرته خلقارا فوتسال کپی گه یول تاپدی و اوشه مسابقهلرده سکیزینچی باسقیچده صعود قیلدی.
