مملکت فوتبال ملی تیرمه جماعهسی، اورتاقلیک اویینده نیپال فوتبال ملی تیرمه جماعهسی بیلن قرشیلشهدی.
افغانستان فوتبال فدراسیونی بوگون ( ۲۶-عقرب، شنبه) فیسبوک صحیفهسیده بیر خبر ترقهتیب، مملکت فوتبال ملی تیرمه جماعهسی اورتاقلیک اویینده نیپال بیلن قرشیلشیدن خبر بیرگن.
بیزلرنینگ فیسبوک صحیفهمیزگه باش اورینگ!
مذکور فدراسیون گه کوره، اوشبو مسابقه بوگون کابل وقتی بیلن شام پیتی ساعت ۵:۳۰ ده تاجیکستان پایتختی دوشنبه شهریده اۉتکزیلهدی.
بو بیللهشوو، اوچ تامانلمه اورتاقلیک کپی آتیده، افغانستان، تاجیکستان و نیپال فوتبال ملی تیرمه جماعهلرینینگ حضوری بیلن اۉتکزیلهدی.
بیزلرنینگ «ایکس» ترماغی ده هم تعقیب قیلینگ!
افغانستان فوتبال ملی تیرمه جماعهسی، اوشبو بیللهشوولرنینگ ایکّینچی مسابقهسیده ۲۹-عقرب، سهشنبه کونی بو مسابقهلرنینگ میزبانی تاجیکستان بیلن بیللهشووی کوتیلهدی.
اۉزبېکستانلیک عثمان توشف، باش مربی اولهراق بوگون رسمی طرزده افغانستان فوتبال ملی تیرمه جماعهسینی خلقارا رقابتلرده باشقرهدی.
عثمان توشف، ۱۴۰۳-ییل ۳۰ میزانده بریتانیالیک اشلی مایکل وستوود چیتلنتیریلیشیدن سۉنگ افغانستان فوتبال ملی تیرمه جماعهسینینگ باش مربیسی اولهراق تانیشتیریلدی.
