حاصلدار ییرلر و یشیل باغلری بیلن مشهور بولگن قندوز ولایتیده بیر عیال، اوز حیاتی و ایشیده فرقلی یولنی یرهتگن. قندوز دهگی تدبیرکار عیاللردن فاطمه نظامی، محلی ایکینچیلیک و محصوللرگه ینگی فکر بیلن، اوز عایله تجربهسی و هنرینی برقرار کسب-کار گه اوزگرتیره آلگن. او، ایشلب چیقریشنینگ زمانهوی اصولی و سنتی بیلیم بیلن بیرگه، نهفقط اوزینینگ درآمدینی کوپهیتیره آلگن، بلکیم اوشبو ولایتدهگی باشقه عیاللرگه هم الهاملنتشیرووچی بیر نمونه بولگن.
آنهسی بیلن بیرگه ترشی تیارلهگن اوسمیرلیک دورهسیده، او بیر کونی اوشبو سنتی هنرنینگ اونگه مالی مستقللیک و تدبیرکارلیک ایشیگینینگ آچیشینی تصویر قیلمهگن ایکن. آنهلیک تجربهلری فاطمهنینگ یاشلیک مهارتلری و قیزیقیشی بیلن قوشیلیب، زمان اوتیشی بیلن او آزیق-آوقت محصوللرینینگ سقلش ینگی اصوللرینی اورگهنیش، ایش بیلرمانلر بیلن مصلحت قیلیش و سیمینارلرگه باریش بیلن مسلکی بولیش یولینی اوتگن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «ایکینچیلیک و ساغلام آزیق-آوقت محصوللریگه قیزیقیشیم سبب، دایم ایکینچیلیک محصوللرینینگ ییغیلگنیدن کیین نهفقط خام شکلده ساتیلیشی بلکیم کوپراق ارزش گه ایگه بولیشینی فکر قیلهر ایدیم. باشقه بیر تاماندن، منطقهمیزده کوپ شکلده ایکینچیلیک محصوللری ایشلب چیقریلهر ایدی؛ لیکن اولردن بیر قسمی پروسس و سقلش امکانیتی یوقلیگی سبب اورتهدن کیتر ایدی. انه شوو سبب، ترشی توزهتیش تامان حرکت قیلدم که محصوللر ضایع بولمهسین، ایش زمینهسی یرهتیلسین همده اهالی اختیاریگه صفتلی ساغلام بیر محصول قرار تاپسین.»
فاطمه، دستلبکی مادهلرینی توغری محلی ایکینچیلر و باغدارلردن ساتیب آلهدی که بو ایش، هم محصولنینگ تازهلیگینی تضمین قیلهدی و همده محلی اقتصاد چرخهسینی کوچلنتیرهدی. او، کونده آلتیدن سکیز ساعتینی محصوللرنینگ یوویش، قیرقیش، توزلش، پاکتلش و کیین ساتیش و بازار تاپیش گه اختصاص بیرهدی. ییغیم-تیریم موسومیده هم، تازه محصوللرنینگ کیچیکمسدن پروسس مرحلهسیگه باریشی مقصد بو ساعتلر کوپهیهدی. «کیرهک بولگن نرسهلرنی توغری محلی دهقانلر و باغدارلردن ساتیب آلهمن که هم تازه و صفتیدن ایشانچیم بولسین و همده ایچکی تولید قیلووچیلردن حمایت بولسین. دستلبکی مادهلرنی آلیشده، ساغلیق، طبیعی بولیشی و پاکلیککه توجه قیلهمیز. بو ایش محصولنینگ یخشی و صفتلی بولیشیگه همده محلی اقتصادی وضعیتنینگ کوچلنیشیگه سبب بولهدی. اورته شکلده بیر کونده آلتیدن سکیز ساعتدن بو ایش گه اختصاص بیرگنمین که محصولنینگ ییغیم-تیریم موسومیده بو ساعتلر کوپهیهدی.»
مذکور تدبیرکار عیال، ستندرد پاکتلنیش، برقرار بازار گه قول تاپیش و زمانهوی جهازلر اوچون سرمایه کملیگی کبی قیینچیلیک بیلن روپهره دیر؛ بیراق محلی کورگزمهلرگه شرکت قیلیش، دکانلر بیلن همکارلیک قیلیش و مستقیم بازار تاپیش بیلن، بو قیینچیلیکلردن اوتیش مقصد سعیوحرکت قیلماقده. «اینگ بویوک قیینچیلیک ستندرد پاکتلنیش و برقرار ساتیش بازارگه قول تاپیش دیر. گرچند ایشنینگ اینگ اونملی بولیمی صفتلی محصولنی تولید قیلیش دیر؛ بیراق مناسب پاکتلنیش و فایدهلی رواجلنیش ترماق بولمهگنیده، مشتریگه محصولنینگ ییتیشتیریش قیین دیر. شونینگدیک ییغیم-تیریم موسومیده دستلبکی مادهلرنی ساتیب آلیش اوچون سرمایه تامینلش و زمانهوی جهازلرنی تیارلش هم جدی قیینچیلیکلردن حسابلنهدی. شوندهی بیرحالده، مستقیم بازار تاپیش، یخشی شکلده پاکتلش، دکانلر بیلن همکارلیک قیلیش و محلی کورگزمهلرگه باریش بیلن بو قیینچیلیکنی بیراز کمهیتیریش مقصد حرکت قیلهمیز.»
فاطمه اوچون اوشبو کسب-کار فقط درآمد منبعسی ایمس؛ بلکیم ساغلام محصولنی تولید قیلیشدن راضی بولیشی، قیزیقیشی و اوزیگه ایشانچی بولیشینی کوپهیتیریب، باشقه عایلهلر و قوشنیلریدهگی باشقه عیاللرگه الهاملنتیرووچی بولگن. او ایشینینگ رواجلنیشی اوچون زمانهوی جهازلر، بازار تاپیش توغریسیده تعلیم آلیش و کینگ قمراولی بازارلرگه قول تاپیشگه نیازی بار و دولتی همده نادولنی نهادلردن اوی کسب-کارلرینینگ قوللب-قوتلنیشینی ایستهیدی.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «عیاللردن اویده اوزلریگه کیچیک بیر ایشنی باشلشلرینی ایستهیمین. آز امکانیتدن باشلهسینلر. هیچ بیر موفقیتلیک بیر کیچه قولگه کیلمهیدی؛ بیراق سعیوحرکت، دواملی شکلده اورگهنیش و فرصتلردن فایدهلنیش بیلن بیر نتیجه گه ایریشه آلهدیلر. مهم نرسه بو که اوزلریگه ایشانسینلر؛ باشقهلرنینگ تجربهسیدن فایدهلنسینلر. حتا کیچیک بیر ایش هم زمان اوتیشی بیلن بویوک و برقرار بیر فعالیتگه اوزگره آلهدی.»
فاطمه نظامینینگ حیاتیده، ترشیلر یالغیز دسترخوانلر گوزهلیگی اوچون ایمس، اولر اوزیگه ایشانچ، تدبیرکارلیک و کیلهجک توغریسیده بولگن امید دیر و سعیوحرکت، قیزیقیش و تشبث بیلن عایله و محلی جمعیتده، عیاللرنینگ ایجابی و یخشی بیر اوزگریش یرهته آلیشلرینی کورستهدی.
