عیاللر کوپینچه فرهنگی و اجتماعی چیکلاولر بیلن دوچ کیلهیاتگن بیر جمعیتده، خاتین-قیزلر اوچون مخصوص خذمت کورسهتیش جایلرنی آچیش، اولرنی قوللب-قوتلهش و ساغلیگینی اسرهش یولیده فایدهلی آدیم بولیشی ممکن. بو توغریدهگی موفقیتلی نمونهلردن بیری، بامیان دهگی بانو نصیبه سعادتنینگ تیش کلینیگی دیر. او عیاللرگه مخصوص محیطنی یرهتیش آرقهلی عیاللر ایشانچینی قازانیب، فایدهلی خذمتلرنی کورسته آلگن.
بانو سعادتنینگ ایتیشیچه، اوچ ییلدن بیری اوزینینگ شخصی کلینیگیده فعالیت قیلماقده. اونینگ بو کلینیکنی آچگنیدن مقصد، مراجعت قیلهدیگن عیاللر گه مخصوص و تینچ محیطنی یرهتیش دیر. بامیان ده عیاللرگه مخصوص تیش کلینیگی مسئولی نصیبه سعادتنینگ ایتیشیچه: «عایلهلردن قطاری عیاللرینی ایرکک شفاکار یانیگه یوبارمس ایدیلر و مین هم اوشه اوچون عیاللرگه مخصوص بیر کلینیک آچیش قرارینی آلدیم. کلینیکنی آچگنیمده بیر قطار کیشی تعجب قیلدی که عیال شفاکار و عیاللرگه مخصوص بیر کلینیک بار دیب و اهالینینگ ایشانچینی اوزیگه قرهتدی.»
بیزلرنینگ فیسبوک صحیفهمیزگه باش اورینگ!
نصیبه سعادتنینگ کوپهیتیریشیچه، رقابت و امکانیت کملیگی کبی قیینچیلیکلر بولگنی بیلن، عایله حمایتی یولینینگ دوام بیریشیگه سبب بولگن. بونگه علاوه، عیاللرگه مخصوص بو کلینیکده تعلیم کوریشگه قیزیقق بیر قطار قیز شاگردی هم بار. «ایشیم توغریسیدهگی اینگ بویوک قیینچیلیکلردن بیری، رقابت و امکانیت کملیگی ایدی؛ بیراق هیچ قچان هدفمدن قول تارتیشیمگه سبب بولمهدی. باشده ستندرد کلینیک قوریلیشی اوچون کوپ سرمایه یاتقیزدیم. حاضر یخشی درآمدی بار و انه شوو سبب کوپراق ایشلشگه قیزیقهمن. عیاللر کلینیککه کیلگنلریده اوزلرینی راحت حس قیلهدیلر؛ چونکه محیط عیاللرگه مخصوص دیر. ۱۰-۱۲ قیز شاگردیم بار. بعضا ایش اورگنووچیلر سانی هم کوپهیهدی که انه شوو سبب، درسلرینی بیر کوندن کیین تنظیم قیلهمن، چونکه گوجوملیک بولمهسین و یخشیراق درس تعلیم آلسینلر دیب. مسلکی بولگن کیشیلر هم باشقه جایده شفاکار صفتیده ایشلهیدیلر.»
بانو سعادت، قیزلردن هیچ قچان آرزولریدن واز کیچمسلیکلرینی ایستهگن. «قیزلردن هیچ قچان آرزولریدن واز کیچمسلیکلرینی ایستهیمن. جمعیتده ایرککلرنینگ ایشلشی کبی عیاللر هم امکانیتگه ایگه دیر و اولر قیزیقیب صناعت و کوچلری تامان باریشلری کیرهک.»
باشقه بیر تاماندن، بامیان ده عیاللرگه مخصوص تیش کلینیگیگه دایمی شکلده مراجعت قلیهدیگنلردن بیری فرشتهنینگ ایتیشیچه، شفاکارنینگ عیال بولگنی اوچون اوزی، سینگلیسی و باشقه عایله اعضالری، بو ییردن دوالنیشنی اوستون کوریب و بو ییرده دوالنهدیلر. اونینگ ایشانچیگه کوره، ایش صفتی و یخشی مادهلردن فایدهلنیلیشی سبب، نیچه مرته مراجعت قیلیشگه نیاز تاپمهیدیلر.
فرشتهنینگ اورغولشیچه، عیاللر بو کبی محیطلرده کوپراق امنیت و خواطرجمعلیک حس قیلهدیلر و بامیان ده عیاللرگه مخصوص کلینیکلرنینگ آچیلیشی جودهیم اونملی دیر. «بیر یریم ییلدن بیری تیش آغریق بولهمن و بو ییرگه کیلهمن. عایله اعضام هم بو کلینیککه کیلهدی. بو کلینیک شفاکاری عیال بولگنی اوچون عیاللر راحت دیر. شو رقم ایشلری هم یخشی دیر. حاضرگچه هر قندهی قیینچیلیک چیققنیده بو ییرگه کیلگنمیز و قیته ایکینچی مرته کیلیشگه نیاز بولمهگن. بیر مرته مراجعت قیلیش بیلن قیینچیلیک حل بولهدی. فایدهلنهدیگنلری مادهلر هم یخشی دیر و تیز خراب بولمهیدی. ایشلرینی دقیق بجرهدیلر.»
شوندهی بیرحالده، اقتصادی مسئلهلر بیلرمانی مهدی شریفینینگ ایشانچیگه کوره، ساغلیق خذمتلر بولیمی اینیقسه تیش بولیمیده عیاللر ایشلشی، یالغیز عمومی ساغلیق یخشیلنیشیگه سبب بولمهیدی، بلکیم اقتصادی رواجلنیشده هم مهم تاثیری بار. اونگه کوره، مذکور فعالیتلر مستقیم و نامستقیم ایش زمینهسی یرهتیلیشی، خذمتلر فرقی آشیشی و عیاللرگه مخصوص نیازلری توغریسیده یخشیراق جواب بیریلیشیگه سبب بولهدی.
بیزلرنینگ «ایکس» ترماغی ده هم تعقیب قیلینگ!
مذکور اقتصادی ایش بیلرماننینگ کوپهیتیریشیچه، دولت آزفایدهلی قرضلرنی بیریش، تعلیمی حمایتلر و قوللب-قوتلاوچی ترماقلرنی آچیش بیلن، ساغلیق بولیمیده تدبیرکار عیاللرنینگ کوچلنیش و رواجلنیش زمینهسینی یرهتسین. «خصوصی و ساغلیق خذمتلر بولیمیده عیاللر حضوری نه فقط جمعیتنینگ ساغلیگی آشیشیده یاردم بیرهدی، بلکیم محلی اقتصاد رواجلنیشیده اونملی رول اوینهیدی. بو حضور مستقیم و نامستقیم ایش زمینهسی یرهتیلیشی، محلی پول اَیلهنیشییده فایدهلی بولیشی و ساغلیق خذمتلرگه نسبت عمومی ایشانچ کوپهیشیگه سبب بولهدی.»
بامیان کبی سنتی بیر جمعیتده، ساغلیقنی سقلش خذمتلریدن عیاللرنینگ فایدهلینشی بیر قطار چیکلاولر بیلن دوچ کیلماقده. عیاللرگه مخصوص دوالنیش مرکزلر آچیلیشی، ساغلیق خذمتلری آشیریلیشی و عیاللرنینگ کوچلنیشیده اونملی آدیم حسابلنهدی. عیال آرقهلی مدیریت بولیش و تینچ محیطگه ایگه بولیش بیلن بانو نصیبه سعادتنینگ تیش کلینیکی، بو تشبثنینگ محلی درجهدهگی موفقیتلی نمونهسی دیر.
