خاتین-قیزلر یوزیگه بیلیم یورتلر ایشیگی یاپیلگنیدن کېین، آرزولرینی چیتده قویمهی و بدخشان مرکزی فیضآباد شهرینینگ بیر چېکهسیده، عیاللر گه عاید بیرینچی کییم-کیچک دکانینی آچدی که او ییرده باشقه قیزلر گه هم ایش امکانیتی یرهتیلگن.
شهره تمنا، بدخشان بیلیم یورتی ژورنالیزم فاکولتهسیده ایکّینچی ییل طلبهلیگی پیتیده، قیزلرنینگ اوقیشی منع بولدی و اونی اېسه دکان آچیشدن باشقه تنلاوی بولمهگن. خانم تمنا سلاموطندار بیلن اوتکزگن صحبتیده ایتیشیچه، دکان آچیش قولی بولمهگن؛ مالیهوی قیینچیلیک، حمایت بولمسلیک و اجتماعی معمالر بو یولنی باسیب اوتیشنی اونینگ اوچون قیینلشتیرگن.
اوقیشدن محروم بولگن قیزلردن بیرقطاری، خانم تمنا تامانیدن عیاللر گه مخصوص دکان آچیلگنیدن سۉنگ، کییم-کیچک، آرا بیریش بویوملری، تیکووچیلیک و رستورانت آچیش گه حرکت قیلگنلر، اولرنینگ بیر-بیری یانیده توپلنیشی استه-سیکین فیضآباد شهریده عیاللر اوچون مخصوص بازار شکللنیشی گه سبب بولدی.
شهره تمنا گه کوره، فیضآباد شهریده عیاللر اوچون مخصوص بازار شکللنیشی، قیزلر ترغیب بولیب و درآمد کسب قیلیش اوچون سعی-حرکت قیلیشلری گه سبب بولگن. «فکریمچه بو حرکت مارکیت قوریلیشی گه آلیب کېلدی باشقه قیزلر روحیه و ترغیب بولیب و درآمد کسب قیلیشنی اورگهنیش اوچون و نهایت قیزلر کېلیب اورگندیلر، هرکیم اۉزی اوچون دکان آچدی، ایشخانه آچیب و ایشلهدی، خورسندلیک بیلن قیزلر تامانیدن قیزغین کوتیب آلیندی.»
بیزلرنینگ فیسبوک صحیفهمیزگه باش اورینگ!
کېلهجکده، اوقیشدن محروم قالگن قیزلر گه درآمد کسب قیلیشنی اورگهتیش اوچون ینگی و خوددی شوندهی برنامهلری بارلیگینی بیلدیرهدی، شهره تمنا.
او حاضر نهفقط اۉز یولینی تاپگن، بلکه اۉزی بیلن بیرگه اونلب قیزنی ایش بیلن تأمینلهگن؛ بو قیزلر اوندن الهام آلیب قیتهدن ایش بیلن مصروف بولگن و ېنه بیر مرته کوچلی بولیش یولیده قدم تشلهماقدهلر.
خدیجه، بو قیزلردن بیری، خانم تمنا فعالیتلریدن الهام آلیب حیاتیده ینگی یولنی آچیش گه اولگورگن. او قیزلر یوزیگه بیلیم یورتلر ایشیگی یاپیلگن پیتیده، بدخشان بیلیم یورتی اقتصاد فاکولتهسیده اوچینچی ییل طلبهسی اېدی ایتیشیچه، بیلیم یورتلر ایشیگی یاپیلگنیدن سۉنگ، ناامیدلیک حیاتیگه سایه تشلهگندی؛ بیراق عیاللر اوچون مخصوص بازار گه بارگنیدن کېین، اۉزینینگ کوچلنتیریش اوچون یول تاپیش گه قرار قیلگن.
خدیجه، فیضآباد شهریده عیاللر اوچون مخصوص بازارده، بیرینچیدن تیکووچیلیکنی اورگنیب و کېین اېسه، اوشبو بازارده اۉزینینگ تیکووچیلیک دکانینی آچهدی. اونینگ حاضر هم درآمد منبعسی بار و هم اوقیشدن محروم بولگن قیزلر گه تورتکی بیرهیاتگن سبب گه ایلنگن. «مالی ایرکینلیکّه ایریشیش گه اولگوردیم و حاضر قیله آلهمن اۉز آرزولریم گه قول تاپسم یعنی اېستهگن نرسهنی قولگه کېریته آلهمیز. بو ایشنی باشلهگن پیتده مثبت اویلش گه باشلهدیک و روحیمیز گه اوزگریشلر کېلدی.»
بیزلرنینگ «ایکس» ترماغی ده هم تعقیب قیلینگ!
فیضآباد شهریده عیاللر اوچون مخصوص بازار آچیلیشی، کوپینچه قیزلر بو ییرده اۉزینی تاپیب و کېلهجک تامان یول آچیشلریگه سبب بولگن.
بدخشاندهگی قیزلردن باشقه بیری سلوا ثاقب، بیلیم یورتلر ایشیگی یاپیلگنیدن سۉنگ جامعهشناسلیک صنفی گه باره آلمهی و احوالنی اۉزگرتیریش و حیات قیینچلیکلریدن قوتیلیش اوچون یول قیدیریش گه باشلهدی. او، قنادلیک و کلچه پیشیریشنی اورگنهدی و اېندی درآمدی یخشی بولیب و اۉزینی-اۉزی تأمینلش گه ایریشگن.
اونینگ کوپهیتیریشیچه: «اېندی ایشلهماقده من و مالی مستقللیکّه ایریشگن من، البته بو یولنی باسیب اوتیش گه کوپ قیینچیلیکلرنی کوردیک؛ حیاتنینگ پست-بلندلیگی بار جملهدن عایله رخصت بیرمسلیگی بو مسئلهلر افغانستانده عایله اعضالری اورتهسیده اعتمادسازلیک بولمهگن و مین بو مسئلهنی عایله اضالری اورتهسیده اعتمادسازلیک قیلدیم.»
قیزلر یوزیگه بیلیم یورتلر یاپیلیشی بیلن، اولرنینگ اکثریتی امیدسیزلیک و سکوت گردابیده قالیب کېتگن اېدیلر، بیراق ایریملری ینگی بیر یولنی تنلشگه موفق بولگن-بو یول کیچیک تجارت یولگه قوییش بیلن باشلنگن. بو قیزلر نهفقط اۉزلری اوچون ایش امکانیتینی یرهتدیلر، بلکه بو امکانیت ایشیکلرینی باشقهلر گه هم آچیب اوقیشدن محروم قالگن اونلب باشقه قیزلر اوچون هم ایش شرایطینی یرهتیش گه موفق بولگنلر.
