کیچیک ایش میزی آرقهسیده اولتیرگن؛ او ییرده اوز قوللری بیلن شکللتیریلهدیگن شمعلردن چیققن ملایم آلاولر، پارافین و رنگ هیدینی ترقهتماقده.
بیر کونی تلویزیونلردن بیرینینگ میزی آرقهسیدن اهالیگه خبرچیلیک قیلهدیگن سارا محمدی، حاضر تزئینی شمعلرنینگ توزهتیشیگه یوز کیلتیرگن که بو تغییر، حیات قیینچیلیکلری و مالی مستقللیککه نیاز بولگنی سبب، شکللنگن. اونینگ ایتیشیچه، حاضرگچه خبرچیلیککه قیزیقهدی، لیکن حیات اونینگ باشقه بیر یولگه تارتگن که بو یولده، قوللری خبر و گزارش یازیش اورنیده، شمع توزهتیشی کیرهک. «خبرچیلیککه قیزیققنیم سبب، خبرچیلیک ایشی دنیاسی گه کیردیم. باشده خبرچیلیک یولی آرقهلی درآمد قولگه کیلتیرهر ایدیم، کیین ایسه قیینچیلیکلر سبب دوام بیره آلمهدیم.»
بیزلرنینگ فیسبوک صحیفهمیزگه باش اورینگ!
شونینگدیک سارا حقوق بولیمینی بتیرگن؛ لیکن بو ساحهده ایش فرصتی یوقلیگی و درآمدگه نیازی بولگنی اوچون ۲۰ مینگ افغانی سرمایه بیلن اوییده بیر کیچیک ایشخانهنی قوریب، بیر ییلدن بیری شمع توزهتیشگه یوز کیلتیرگن. او محصوللرینی آنلاین شکلده ساتیش گه قویهدی. «کوردیم که اهالینینگ بو کبی کلاسیک و فانتزی نرسهلرگه قیزیقیشی کوپ و مین هم بو امکانیتنی یرهتدیم که بو نرسهلردن قیزلر فایدهلنسین. شونینگدیک بیر صناعتنی باشلهب و اونینگ یانیده درآمد قولگه کیلیتریشیم اوچون شمع توزهتیش گه باشلهدیم.»
گرچند، حاضر آنلاین شکلده بویورتمهلری بولیب و آیده ۲۰ مینگ افغانیدن کوپراق درآمد قولگه کیلتیریشی بیرحالده، لیکن ایچکی بازارده دستلبکی مادهلر کملیگی و وارداتنینگ کوپینچه خرهجت کوتاریشی، بعضا اونینگ فعالیتی برابریده بیر دیوار کبی بولیب قالهدی. «قیغو بیلن افغانستان ده شمع توزهتیش اوچون دستلبکی مادهلر تاپیلمهیدی، چونکه هر کیم بیلگن بیر صناعت ایمس و افغانستان ده مین هیچ قچان شمع مادهلرینی کورگنیم یوق. قوشنی مملکتلردن اوزیمیز تیلهتهمیز.»
اونینگ ایتیشیچه، شمع توزهتیشدن قولگه کیلهدیگن درآمد بیلن، تولیدلریگه ینگیلیک کیلتیریش مقصد، دستلبکی مادهلر و جهازلرنی ساتیب آلیش اوچون قریب ۹۰ مینگ افغانینی صرفلهگن. «حاضر قریب ۹۰ مینگ افغانی، ایش اوسکونهلرینینگ ساتیب آلینیشیگه صرفلنگن و اوندن کوپراق بولگنی هم ممکن، چونکه ینگیلیک یرهتیلهدی.»
گرچند ایشینینگ مستقللیک یولینی آنلاین شکلده اوتکزیشگه موفق بولگن بولسهده، لیکن حاضرگچه خبرچیلیککه توشینیب و فکریده خبرچی بولیش اوچون بوش جای بار. اونگه کوره، مسلکی کیملیگینینگ اونملی قسمی ضعیف بولیب قالگن. «صناعت گه قرهگنده خبرچیلیککه کوپ قیزیقهر ایدیم. خبرچیلیک بولیمیده ایشلهگن کیشی، کلمهلر و سوزلر بیلن ایشلهیدی. او پیتلر مین اوزیمنی کوپراق تانیهر ایدیم، درآمدیم آز و قیزیقیشیم کوپ ایدی.»
بیزلرنینگ «ایکس» ترماغی ده هم تعقیب قیلینگ!
سارا، آز سرمایه بیلن ایشینینگ رواجلنیشی و ثبات یولینی تاپه آلهگن و اونینگ ایشانچیگه کوره، مالی مستقللیککه ایگه بولیش، قیزلرنینگ قدرت و رواجلنیشی کلیدی دیر. «ایشلهیدیگن و ایشله آلمهیدیگن قیزلر، مالی مستقللیککه ایریشیش اوچون اوزلریگه بیر یول تاپیش مقصد، سعیوحرکت قیلیشلری کیرهک.»
سارا محمدی، هر کونی کیچیک ایشخانهسیده، حیاتنینگ قیینچیلیکلری آرهسیده اوزی و باشقه کیشیلر گه یاختیلیک یرهتیش مقصد، خبرچیلیک فعالیتلریده بولگن اوشه دقت و قیزیقیش بیلن مشتریلریگه شمع توزهتهدی.