افغانستان ساحلی فوتبال ملی تیرمه جماعهسی، اورتاقلیک اوچینچی اویینیده بحرین برابریده مغلوبیت گه تن بیردی.
افغانستان فوتبال فدراسیونی، ۲۶-حوت، یکشنبهدن دوشنبه گه اوتر کیچه فیسبوک صحیفهسیده بیر بیانیه ترقهتیب مملکت ملی پوشلری کابل وقتی بیلن شام پیتی ساعت ۷:۳۰ ده بحرین بیلن بیللشگنیدن خبر بیرگن.
بو بیللشوو، تایلند میزبانلیگی بیلن اوتکزیلگن.
بیزلرنینگ فیسبوک صحیفهمیزگه باش اورینگ!
مملکت فوتبال فدراسیونی گه کوره، افغانستان ساحلی فوتبال ملی تیرمه جماعهسی اوشبو اورتاقلیک اویینده، ۷-۳ حسابی بیلن بحرین برابریده مغلوب بولگن.
افغانستان ساحلی فوتبال تیرمه جماعهسی بوندن آلدینگی اورتاقلیک مسابقهلریده، سعودی عربستان گه غلبه قازانیب و جاپان برابریده مغلوبیت گه تن بیرگن اېدی.
مملکت ساحلی فوتبال ملی تیرمه جماعهسی کېلهسی نیچه کون ایچیده، ۲۰۲۵ آسیا ملتلر کپی اویینلریده اشتراک اېتیشی کوتیلهدی.
بیزلرنینگ «ایکس» ترماغی ده هم تعقیب قیلینگ!
مذکور فوتبال فدراسیونی گه کوره، مملکت ملی اویینچیلری بو مسابقهلرنینگ C گروهیده ایران، بیرلشگن عرب امیرلیگی و اندونیزیا تیرمه جماعهلری بیلن بیللشهدی.
۲۰۲۵-آسیا ملتلر کپی اویینلری، قویاش ۱۴۰۴ییل، ۱-حملده تایلند میزبانلیگی بیلن باشلنیشی کوتیلهدی.
