نوار غزه ده آلتی هفتهلیک آتیش کیسین برقرار بولگنی بیرحالده، بو منطقهنینگ شمال و جنوبیگه اسرائیل کوچلری آرقهلی اویوشتیریلگن اَیری هجوملر نتیجهسیده، تورت فلسطینلیک قربان بولگن.
الجزیره خبری ترماغینینگ بوگون (۴-قوس، سهشنبه)، گزارش بیریشیچه، اوشبو کیشیلر اسرائیل اردوسینینگ اوتگن کونی اویوشتیرگن هجوملریده قربان بولگنلر.
گزارش اساسیده، فلسطینلیک بیر ایرکک غزه جنوبیده اسرائیلنینگ پهپادی هجومی پیتیده، قربان بولگن. شونینگدیک غزه شهرینینگ شمالی بولیمیده، بیر باله اسرائیل کوچلریدن قالگن قورال-یراغنینگ پارتلهگنیدن کیین قربان بولیب و باشقه نیچه باله یرهلنگن که اولردن بیر قطارینینگ احوالی آغیر دیب گزارش بیریلگن.
غزه ده الجزیره خبرچیسینینگ گزارش بیریشیچه، آتیش کیسین برقرار بولگنی بیلن، نوار غزهنینگ تورلی بولیملریده هجوملر دوام قیلیب و اسرائیل کوچلری شمال و جنوبده یشش منطقهلرنی نشانگه آلماقده.
