اسلام امیرلیگی عملدارلری، پاکستان حربی کوچلرینینگ توپخانه و هاوان آتیشلری عاقبتیده خوست ولایتیده ۴ تینچ اهالی اولیب و اوچ باله یرهلنگنیدن خبر بیردیلر.
اسلام امیرلیگی سوزلاوچیسینینگ اورین باسری حمدالله فطرت، بوگون ایکس صحیفهسیده بیر بیانیه ترقهتیب، پاکستان حربی کوچلری بوگون (۲۱ حوت/۱۲ مارچ، چهارشنبه) ایرتهلب بامداد پیتی ساعت ۴:۰۰ اطرافیده تینچ اهالی یشهیدیگن حدودلرده هجوم اویوشتیرگنینی یازگن.
بیانیه گه کوره، پاکستان حربی کوچلرینینگ خوست ولایتی علیشیر تریزی تومنیده اویوشتیرگن هجوملری عاقبتیده بیر ایرکک، بیر عیال و ایکی باله اولیب و اوچ باله ایسه یرهلنگن و برچهسی بیر عایله اعضالری دیر.
شو بیلن بیرگه، اسلام امیرلیگی سوزلاوچیسینینگ اورین باسری بیانیهسیده، پاکستان حربی کوچلری کنر ایریم حدودلریده هاوان بیلن هجوم اویوشتیرگن و اونینگ نتیجهسیده یشش اویلر بوزیلگن بیراق هیچ کیم جانی تلفات کورمهگنی قید ایتیلگن.
