غزنی ده مسئوللرنینگ ایتیشلریچه، اوشبو ولایتده ماین پارتلشی نتیجهسیده تورت باله هلاک بولگن. مذکور پارتلش اوتگن کون (۷-حمل، جمعه)، توشدن کیین غزنی ولایتی خوگیانی تومنیده یوز بیرگن.
غزنی امنیه قوماندانلیگی سوزلاوچیسی خالد سرحدینینگ ایتیشیچه، خوگیانی تومنی «علیخانخیل» قیشلاغیده، اوتگن اوروشلر جریانیده پارتلمهی قالگن مایننینگ پارتلشی عاقبتیده، باشده ایکی باله اولیب و باشقه ایکی باله یرهلنگن.
غزنی معلومات و مدنیت باشلیغی حمیدالله نثار، واقعه یوز بیرگنیدن نیچه ساعت کیین ییتکرمهلرگه، جدی شکلده جراحت کوتاریش طفیلی یرهلنگن بالهلرنینگ اولگنینی بیان قیلیب، اولگن بالهلر سانینینگ تورتته گه ییتیشگنینی ایتگن.
واقعه قربانلریدن برچهسی ۸ دن ۱۲ یاش آرهسیده بولگن اوغیل بالهلر دییلگن. ایتیش کیرهک که، بوندن آلدین هم غزنی مرکزی و تومنلریده اوروشدن پارتلمهی قالگن ماینلر پارتلشی، تینچاهالی اینیقسه بالهلردن قربانلیک آلگن.
