قندوز ولایتی سپینزر دولت شرکتی مسئوللری، اوشبو ولایتده اوچ ییریک سودا لایحهسینینگ تمل تاشی قوییلگنینی ایتهدیلر.
بو لایحهلرنینگ تمل تاشی، ۱۰-سنبله، دوشنبه کونی اسلام امیرلیگی باش وزیرینینگ اقتصادی اورین باسری عبدالغنی برادر تامانیدن قوییلگن.
قندوز سپینزر دولت شرکتینینگ مالی و اداری باشلیغی عبدالمبین صافی، اوشبو لایحهلر سپینزر خلقارا سودا مرکزی، ایدیش-تاواق و برق اوسکونهلری مرکزی، عیاللر سودا مرکزی و سیمساری بازاریدن عبارت بو تورت ییریک لایحه، قریب سکیز میلیارد افغانی عوضی گه قوریلیشی تخمین ایتیلگنینی بیلدیرگن.
صافینینگ کوپهیتیریشیچه، بو لایحهلر قریب ۷۰ جریب ییرده و خصوصی شرکتلر همکارلیگی بیلن کېلهسی ایکّی ییل ایچیده قوریلیشی ممکن.
اوتگن کون هم تخار سپینزر تجارتی شهرچهسینینگ قوریلیش ایشی، اسلام امیرلیگی باش وزیرینینگ اقتصادی اورین باسری عبدالغنی برادر تامانیدن ایکّی میلیارد ۴۵۰ میلیون افغانی سرمایه یاتقیزیش بیلن باشلندی.
