۳۷ یاشلی آزاد مبارزهلر سابق سپورتچیسی جیرزینیو روزناسترویک، امریکاده بیر عیال گه هجوم قیلیش عیبی بیلن حبس گه آلینگن.
ییتکرمهلرنینگ معلوماتیگه کوره، آزاد مبارزهلر سابق سپورتچیسی جاری ییلنینگ ۲۰ جنوری کونی امریکانینگ فلوریدا ایالتی پمبروک پاینز شهریده ترتیبسیزلیک و کلتکلش عیبلاولری بیلن حبس گه آلینگن.
معلوماتلر اساسیده، فلوریدا ایالتیده موترده کیلیب چیققن جنجل چاغیده جیرزینیو روزناسترویک بیر عیالنینگ تلفونینی قولیدن تارتیب آلگن، شوندن سونگ او عیالنی بیر نیچه بار اورگن. جبرلنوچی شونینگدیک، روزناسترویک اونی اوپیشگه اورینگنی و کیین قولینی تیشلهگنینی هم معلوم قیلگن.
شفاکارلر، عیالده تیش ایزلری، ایکی بیلهگیده قیزهریش همده اونگ کوزی آستیده کوکریشلر بارلیگینی قید ایتگن.
آزاد مبارزهلر سابق سپورتچیسی سوزلریگه کوره، جنجل وقتیده عیال بیرینچی بولیب اونگه مُشت توشیرگن. عیال ایسه اوز نوبتیده موتردن چیقیب کیتیشگه اورینگن پیتده، اوزینی حمایه قیلیش مقصدیده شوندهی قیلگنینی بیلدیرگن.
۳۷ یاشر جیرزینیو روزناسترویک، فعالیتیده ۱۵ غلبه و ۶ ملغوبیت قید ایتگن. اونینگ آزاد مبارزهلردهگی سونگی مسابقهسی میلادی ۲۰۲۵ ییل فبروی آییده بولیب اوتگن، اونده روسیهلیک سیرگی پولاویچ گه حکملرنینگ قراری بیلن مغلوب بولگن.
