اۉزبېکستانده افغانستان سابق پارلمان اعضاسی و اورین باسری عباس ابراهیمزاده، تاشکینت شهریده قولگه آلیندی.
اۉزبېکستان یېتکرمهلرینینگ معلوماتی اساسیده، ابراهیمزاده ۲-میزاندن بیری اوشبو مملکتده تورمهخانهده قالماقده.
بلخ ولایتیدن سیلنگن سابق پارلمان اعضاسی و اۉزی اساس سالگن ابراهیمزاده گروپ کمپنیهلر توپلمینینگ رهبری، بزنسدهگی رقیبلرینینگ کوپلب شکایتلری اساسیده اوشلنگن.
ابراهیمزاده ۳۵۰ مینگ دالردن آرتیق گِرو پولی قویگنیگه قرهمی، هنوزگچه حبسده قالماقده.
معلوم بولیشیچه، عباس ابراهیمزاده اۉزینینگ گروهیده ۲۰ دن آرتیق کمپنیهنی باشقرگن، بلخدهگی خصوصی تلویزیون گه ایگه بولگن و تعلیم همده خیریه ساحهلریده کېنگ فعالیت کورستگن.
معلوماتلر گه کوره، عباس ابراهیمزاده سۉنگی تورت ییل دوامیده اۉزبېکستانده ۵۰ میلیون دالردن آرتیق ترانزیت، اون ایشلب چیقریش و باشقه ساحهلرده سرمایه یاتقیزگن.
اۉزبېکستنان عملدارلری حاضرگچه بوتوغریده فکر-ملاحظه بیلدیرمهگن.
