سمنگان ده محلی مسئوللرنینگ ایتیشلریچه، اوشبو ولایت فیروزنخچیر تومنیده یوز بیرگن سوو تاشقینی نتیجهسیده، بیر عایلهنینگ اوچ اعضاسی اولگن.
فیروزنخچیر تومنی اجرایی مدیری شفیعالله ارشادنینگ ایتیشیچه، مذکور واقعه اوتگن کون شام چاغی «چنارگی پایین» منطقهسیده یوز بیرگن.
اونگه کوره، اوشبو طبیعی واقعه قربانلری، ۲۸ یاشر بیر عیال و ایکی بالهدن عبارت دیر.
شونینگدیک ارشادنینگ کوپهیتیریشیچه، یوز بیرگن مذکور سوو تاشقینلرده فیروزنخچیر تومنیده ایکینچیلیک ییرلر هم بوزیلگن.
محلی مسئوللر، یاغینگرچیلیکلر دوامیگه اشاره قیلیب، یشاوچیلردن احتیاط قیلیش تدبیرلرینینگ رعایت قیلیب و خوفلی جایلرگه باریب-کیلمسلیکلرینی سورهگن.
سونگی کونلرده، افغانستان ولایتلریدن قطاریده کوچلی یاغینگرچیلیکلر و سوو تاشقینلر یوز بیریب و اونینگ نتیجهسیده، بیر قطار کیشی اولیب و یرهلنگن.
