مکسیکو رسمیلرینینگ تصدیق قیلیشیچه، بو مملکت «سینالوآ» ایالتیده اوتگن آی کانادانینگ باشقرووی آستیده بولگن بیر کاندن اوغیرلنگن ۱۰ ایشلاوچیدن، ۵ تهسی هلاک بولگن.
الجزیرهنینگ بوگون (۲۱-دلو/ ۱۰-فبروری، سهشنبه)، مکسیکو باش قارهلاوچیلیک ادارهسیدن نقل قیلیب گزارش بیریشیچه، بو کیشیلر جسدلری سینالوآ ایالتیدهگی «الورده» منطقهسیده تانیلیب و شونینگدیک باشقه بیش کیشینینگ قالدیقلرینی انیقلش اوچون سعیوحرکتلر دوام قیلماقده.
مکسیکو باش قارهلاوچیلیک ادارهسینینگ ایتیشیچه، اوتگن هفته اوشبو دوسیهگه تیگیشلی تورت کیشی قولگه آلینگن؛ لیکن حاضرگچه مذکور واقعه سببی توغریسیده هیچ بیر معلومات ترقهتیلمهگن.
سینالوآ ایالتی مازاتلان شهری یقینیده جایلشگن «پانکو» آلتین و کومیش کانینی ایشلهتووچی «ویزلا سیلور» کمپنیهسی، بوندن آلدین عایلهلردن قطاری یقینلری اولدیریلگنی حقیده بو کمپنیهنینگ خبردار قیلگنینی معلوم قیلگن.
کانادانینگ ونکوور شهریده جایلشگن بو کمپنیه، ۲۸-جنوری ایشلاوچیلریدن ۱۰ تهسی لایحه محلیدن اوغیرلنگنی و بو موضوعنینگ مکسیکو رسمیلرگه خبر بیریلگنیدن گزارش بیرگن ایدی.
