اسلام امیرلیگی حربی ستاد باشلیغی فصیحالدین فطرتنینگ ایتیشیچه، بگرام قرارگاهی بوییچه هیچ قندهی معامله افغانستان اوچون قبول بولهدیگن بیر نرسه ایمس.
او، بو موضوعنی کابل ده هوا کوچلری بیلیم یورتیدهگی پیلوتلرنینگ فراغت مراسمیده بیان قیلیب و کوپهیتیریشیچه، اسلام امیرلیگی هیچ قچان افغانستان توپراغی اوستیگه بیرار مملکت بیلن کیلیشمهیدی. «هیچ قچان معامله قیلمهیمیز؛ بو نه ممکن و نه تصور قیلینهدیگن نرسه دیر. افغانستان مکمل شکلده آزاد و مستقل دیر؛ اونی بو مملکت بالهلری اداره قیلهدی و بو توغریده هیچ بیر تشقی مملکت بیلن معاملهسی یوق.»
بوندن آلدین امریکا جمهور باشلیغی دونالد ترامپ، بگرام قرارگاهینینگ قیته آلماقچین بولگنی و اونینگ قولگه کیلتیریش اوچون، اسلام امیرلیگی بیلن مذاکره قیله یاتگنینی ایتگن ایدی. شونینگدیک امریکا جمهور باشلیغی، افغانستان اونینگ قیتهریشگه راضی بولمهگنی صورتده، «یامان واقعهلر» نینگ یوز بیریشی توغریسیده آگاهلنتیرگن.
