تایلند پایتختی بانکوک شهریده جایلشگن بیر میخانهده یوز بیرگن یانغین عاقبتیده، کمیده ۲۷ کیشی اولیب و باشقه ۶۳ کیشی یرهلنگن.
الجزیره خبری ترماغینینگ بوگون (۲۲-سرطان/۱۳-جولای، دوشنبه)، گزارش بیریشیچه، اوشبو یانغین بانکوک شمالیدهگی «نا لادپرائو» میخانهسیده یوز بیرگن.
تایلند باشوزیری آنوتین چارنویراکول، واقعه محلیدن ۲۷ قربانینینگ جسدی چیقریلگنی و یرهلنگنلرنینگ دوالنیش مقصد کسلخانهگه انتقال بیریلگنینی معلوم قیلگن.
شونینگدیک تایلند باشوزیرینینگ ایتیشیچه، واقعه محلیدهگی شاهدلرنینگ بیاناتی اساسیده، یانغین یوز بیرمسدن آلدین بنانینگ برق سیستمیده فنی بیر قیینچیلیک کوزگه کوریلگن و بو واقعهنینگ اصلی سببی بیللی بولیشی اوچون تیکشیروولر دوام قیلماقده.
