تخار ولایتی خواجهبهاوالدین تومنیده یوز بیرگن کېنگ کولملی یانغین نتیجهسیده ۵۰ دکان جملهدن ایکی یاغاچ سرایی بوتونلی یانیب کېتگن.
محل یشاوچیلری، بوگون (۱۶-سنبله، یکشنبه) تانگ پیتی ایتیشلریچه، اوشبو تومنده آلاو اوچیریش مرکز یوقلیگی و یوللر بوزوقلیگی سببلی، تالقان شهریدن کیلگن آلاو اوچیریش گروهلری کېچ یېتگن و شو حالت یانغیننینگ کوچهیشی و ترقهلشینی ېنهده آشیرگن.
تخار امنیه قوماندانلیگی مطبوعات و جماعتچیلیک بیلن علاقهدار بولیمی آمری نظامالدین عمر گه کوره، اوتگن کیچه ۲:۳۰ ده، خواجهبهاوالدین تومنی مرکزیده بوغدای بازاری و بیر یاغاچ سراییده بیپروالیک عاقبتیده یانغین چیققن.
خواجهبهاوالدین تومنی امنیه قوماندانی عمر گه کوره، ینگیقلعه تومنی امنیه قوماندانلیگی و محل یشاوچیلرینینگ همکارلیگی بیلن یانغیننی اوچیریشگن.
عمرنینگ کوپهیتیریشیچه، اوشبو یانغینده بعضی دکانلر یانیب کیتگن و ایگهلریگه تورت میلیوندن آرتیق افغانی ضرر ییتگن.
یشاوچیلر، حکومتدن اوشبو تومنلرده آلاو اوچیریش بیر مرکز قوریلیشینی سورهیدیلر.
