تیریکچیلیک اساسی نیازلریدن بولگن مالی مستقل‌لیک، افغانستانده کوپینچه یاشلر نینگ خواطرلریدن سنله‌دی. مالی مستقل‌لیک که اېریشیش بیلن آزادلیک کبی تیریکچیلیک اسلوب‌لریدن قوللنیش ممکن.
بو گزارش ده سلام‌وطندار ۱۷ ییگیت و اوچ قیز شامل ۲۰ یاش بیلن صحبت اۉتکزگن، اولر نینگ ۱۷ نفری مالی مستقل‌لیگی بارلیگینی اېتگنلر.
بو یاشلر، مالی مستقل‌لیکلری باعث تورلی ساحه‌لرده اېریم یوتوق‌لر گه اېگه بولگنلرینی معلوم قیلگن.
اوشبو گزارش ده قتنشگنلر نینگ ایتیشلریچه، مالی مستقل‌لیک اولر نینگ حیاتیده اوته مهم بولیب و اولر نینگ شخصیتی و تیریکچیلیک‌لری گه کوپ تأثیر قویگن.
گزارش ده صحبت اۉتکزیلگن و مالی مستقل‌لیگی بولگن کابل شهری یشاوچیلریدن بیرقطاری نینگ ایتیشلریچه، مالی مستقل‌لیک انسان نی یخشی تیریکچیلیک قوریش اوچون یاردم بیره آله‌دی.
کابل یشاوچیسی ابراهیم گه کوره: «هه مالی مستقل‌لیگیم بار و بو اۉز میلی گه تیریکچیلیک قیلیش اوچون یاردم بیره آله‌دی، هېچ کیم گه سوینمه‌ی و اۉز اېستک‌لری اساسیده تیریکچیلیک قیلیشی ممکن. مالی مستقل‌لیک تورلی ساحه‌لر اینیقسه عایله‌وی مناسبت و اجتماعی تیریکچیلیک قیلیش گه تأثیری بولیشی ممکن. یعنی اتفاق و اتحاد گه سبب بوله‌دی.»
کابل یشاوچیلریدن باشقه بیری رحمان نینگ ایتیشیچه: «هه مالی مستقل‌لیگیم بار و مالی مستقل‌لیک انسان نی هېچ کیم گه محتاج قیلمه‌ی و اۉز اېستگی اساسیده تیریکچیلیک قیلیشی گه یاردم بیره‌دی، جمعیتده قره‌سک؛ مالی مستقل‌لیگی بولگنلر نینگ تیریکچیلیک احوالی یخشی، چونکه مادی و فزیکی مستقل‌لیگی گه قۉشیمچه کیشی گه کوچ بخیشلب و کیشی نینگ اېسته‌گن جای گه یېتکزیشی ممکن.»
بیزلرنینگ فیسبوک صحیفه‌میزگه باش اورینگ!
قیزلر اوچون هم مالی مستقل‌لیک نینگ اهمیتی کوپ و مالی مستقل‌لیک اۉزلری گه ایشانچ و قدر بیریش گه قۉشیمچه، عایله ده مالی ایشلر گه یاردم بیریب و عایله ده‌گی باشقه کیشی‌لر گه تیه‌نمسلیگی ممکن.
کابل یشاوچیسی حسینا، مالی مستقل‌لیک اۉز احتیاج‌لرینی اۉزی تأمینلب و باشقه‌لر گه تیه‌نمسلیگی گه سبب بولگنینی اېته‌دی.
اونگه کوره: «هه مالی مستقل‌لیگیم بار چونگه وظیفه و ایشیم بار و مالی مستقل‌لیک مینگه کوپ یاردم بیرگن چونکه احتیاجیم بولگن نرسه‌لرنی آلاله من.»
کابل یشاوچیلریدن باشقه بیرقطاری نینگ ایتیشلریچه، مالی مستقل‌لیکلری بولمه‌گن پیتده احتیاج‌لری بولگن بویوم نی آلیش گه حرکت قیله آلمه‌ی و قرار قبول قیلیش ده مستقل اېمس اېدیلر؛ بیراق مالی مستقل‌لیک تاپیش دن سۉنگ حیات‌لری اۉزگرگن.
بیزلرنینگ «ایکس» ترماغی ده هم تعقیب قیلینگ!
کابل یشاوچیسی و مالی مستقل‌لیگی بولگن لیلا نینگ ایتیشیچه: «هه مالی مستقل‌لیگیم بار و مالی مستقل‌لیک باعث ۴۰ فایز اېستک‌لریم عملی بولگن و عایله ده صمیمیت گه سبب بولگن.»
کابل یشاوچیسی و مالی مستقل‌لیگی بولگنلردن باشقه بیری مبشر گه کوره: «مالی مستقل‌لیگیم بولمه‌گن پیتده کوپ قیینچیلیک بیلن دوچ اېدیم و هېچ بیر ایش قیله آلمس اېدیم و حاضر برچه بیلن اېسته‌گیم اساسیده علاقه قوره آله‌من.»
مالی مستقل‌لیگی بولمه‌گن یاشلردن بیرقطاری، مالی مستقل‌سیزلیک اولر نینگ تیریکچیلیکّه دایر امیدلرینی ضعیف قیلگنینی اېته‌دیلر. اولر گه کوره، مالی مستقل‌سیزلیک اولر نینگ عایله‌لری گه تیه‌نیشی و کوپینچه ایشلرده عایله‌لری تامانیدن آلینگن قرار گه عمل قیلیش‌لری گه سبب بولگن.
مالی مستقلی بولمه‌گن یاشلردن شمس‌الدین نبی‌زاده نینگ ایتیشیچه: «مالی مستقل‌لیگیم یوق و مالی مستقل‌سیزلیک حیاتیم اوستیگه سلبی تأثیر قویگن و سلبی تأثیرلریدن بیری دوست‌لریم بیلن دم آلیش گه باره آلمسلیک دیر ، پولینگیز بولسه کورس‌لر گه قتنشسنگیز طبیعی که شخصیتینگیز یوقاری بوله‌دی، ولایت‌لر گه سفر قیلیشنی اېسته‌ی من لېکن مالی مستقل‌سیزلیک باعث سفر قیله آلمه‌ی من.»
مالی مستقلی بولمه‌گن یاشلردن باشقه بیری مشعل احمدی گه کوره: «حاضرگی کونده افغانستانده کوپینچه یاشلر نینگ مالی مستقل‌لیگی یوق و اۉزیمنی هم مالی مستقل‌لیگیم یوق و بیر ایش اوچون باشقه دن پول سۉره‌ی من و آته‌م دن پول اېسته‌ی من شونی اوچون آته‌م نینگ اېستک‌لرینی نظر گه آله‌من و اۉز اېسته‌گیمگه اېته آلمه‌ی من.»
باشقه تاماندن جمعیت‌شناس و روحی مصلحتچیلر نینگ ایتیشلریچه، مالی مستقل‌لیک یاشلر نینگ یخشی اوسیشی و تینچ حیاتی بولیشی گه سبب بولیشی ممکن؛ بیراق عکسینچه یاشلر حیات‌لریده یخشی قرار قبول قیله آلمسلیگیگه باعث بوله‌دی بونده‌ی احوال اولر نینگ اۉزلری گه ایشانچینی کمه‌یتیره‌دی.
جمعیت‌شناس و روحی مصلحتچی شفیق‌الله انصار گه کوره، مالی مستقل‌لیک کیشی نینگ شخصیتی و اجتماعی مناسبتی گه تأثیر قویه‌دی و مالی مستقل‌لیگی بولگن کیشی اورتاق‌لری و عایله اعضالری بیلن یخشی علاقه قوریب و جمعیتده فعال کیشی بولیشی گه سبب بوله‌دی.
اونینگ کوپه‌یتیریشیچه: «یاشلر نینگ مالی نقطه‌ی نظر دن مستقل بولیشی نینگ تأثیری کوپ و مالی مستقل‌لیگی بولگن کوپینچه ییگیت‌لر شخصی یا ده عایله‌وی تیریکچیلیک ده مالی مستقل‌لیگی بولمه‌گن ییگیت‌لر گه نسبتن اۉزی گه ایشانچی کوپ. مالی مستقل‌لیک یاشلر نینگ مهارت‌لری آشیشی گه باعث بوله‌دی.
ایتیلیشیچه، مالی مستقل‌لیک یاشلر نینگ شخصیتی گه اساسی رولی بار؛ عکس‌حالده یاشلر تیریکچیلیک‌لریده قرار قبول قیلیش و جمعیتده فعال بولمسلیک‌لری گه سبب بولیشی ممکن.
