قندوز ولایتی حاکمیتلیگینینگ مطبوعات ادارهسی، ۲۶-سنبله، چهارشنبه کونی بیر بیانیه ترقهتیب، اوشبو ولایتده فایبر نوری انترنتی و بیسیم (Wifi) خذمت کورسهتووچی شرکتلرنینگ فعالیتی وقتینچهلیک اوزیلگنینی بیلدیرگن.
بیانیهده، «منکرات» کېنگهیشینی آلدینی آلیش و اجتماعی ترماقلردن ناتوغری فایدهلنیش مقصدیده اوشبو قرار قبول قیلینگن و اونگه قندوز ولایتی مرکزی و تومنلریدهگی انترنت خذمتلرینی کورسهتووچی بوتون شرکتلر کیرهدی.
محلی رسمیلر، «دینی و اخلاقی قدریتلرنی قوریقلش» اوچون بو قرار قبول قیلینگن و کېینگی امرگچه دوام تاپیشینی ایتگنلر.
شو بیلن بیرگه تخاردهگی محلی منبعلر هم، بو ولایتده فایبر نوری و وایفای خذمتلری اوزیلگنینی ایتگنلر.
اولر گه کوره، انترنت اوزیلیشی دولت ادارهلری جملهدن بانکلر، پاسپورت، اهالینی رویخط گه آلیش ادارهلری و باشقه بولیملرنی جدی قیینچیلیک بیلن روپهره قیلگن.
بوندن آلدین، بلخ ولایتیده فایبر نوری انترنت خذمتلری اوزیلگن اېدی.
افغانستان بیش قۉشنی مملکت بیلن فایبر نوری آرقهلی انترنت کېنگ باندی گه اولنگن؛ بو لایحه اوچون ۱۵۰ میلیون دالر سرمایه یاتقیزیلگن.
