مملکت گه قیتریلگن عیاللردن قطارینینگ ایتیشلریچه، جبری شکلده چیقریلیش و اقتصادی ناچارلیک سبب، جدی قیینچیلیکلر بیلن روپهرهلر. اولرنینگ کوپهیتیریشلریچه، باشپنه، ایش، آزیق-آوقت و دوالنیش خذمتلریدن فایدهلنه آلمسلیک، اجتماع گه قیته قوشیلیشلری برابریده جدی معما گه اَیلنگن.
ایکی آی آلدین پاکستان دن چیقریلگن ۲۶ یاشر حمیدهنینگ ایتیشیچه، برچه بار-یاغی چیگره او تامانیده قالیب و حاضر دستلبکی نیازلرینی تامینلشده قیینچیلیک بیلن روپهره بولگن. اونینگ کوپهیتیریشیچه: «هیچ نرسهمیز یوق؛ کیلگنیمیزدن بیری هم آنهم همده مین کسل بولگنمیز. شفاکار گه باره آلمهدیک. اوییمیز و ایشیمیز یوق، حتا قوروق نانیمیز هم یوق.»
کاپیسا یشاوچیسی بولمیش ۴۰ یاشر حفیظهنینگ ایتیشیچه، پاکستان دن جبری شکلده چیقریلیش و تورموش اورتاغینینگ بنگیوار مادهگه چلینیشی، او و بالهلرینی قیین بیر وضعیتگه قویگن. «بیر پیت آوقتیمیز هم یوق؛ یاردم ترقهتیلهدی و قوشنیلریمیزدن قطاری هم آلدی؛ بیزنینگ هم نیازیمیز بار.»
بوندن آلدین بیرلشگن ملتلر تشکیلاتی، ایران و پاکستان دن افغانستانلیک قاچقینلرنینگ قیتیشی، خذمت سکتورلری، اوی، ایش و طبی خذمتلردن فایدهلنیشده، افغانستان ده باسیملرنینگ کوپهیتیرگن دیب ایتگن ایدی.
اوچ آی آلدین جبری شکلده ایران دن چیقریلگن ۳۴ یاشر تخار یشاوچیسی نوریهنینگ ایتیشیچه: «طبی خذمتلریدن هم فایدهلنه آلمهیمیز و درست بیر حیاتیمیز هم یوق. اقتصادی و روحی وضعیتیمیز هم بوزیق دیر.»
کاپیسا یشاوچیسی بولمیش ۵۵ یاشر شایقهنینگ ایتیشیچه، بیش آی آلدین ایران دن چیقریلیب و حاضر کرایی بیر اویده قیین بیر وضعیتده حیات کیچیرماقده. «اقتصادیمیز ضعیف دیر. روزه آیی هم کیلگن. هیچ نرسهمیز یوق، کرایی بیر اویده حیات کیچیرهمیز. یاردم گه محتاجمیز.»
قیتریلگن اوشبو قاچقین عیاللر، اسلام امیرلیگی و یاردم بیرووچی نهادلردن، تیریکچیلیک وضعیتی یخشیلنیشی و عادی بیر حیاتگه قیتیش اوچون توجه قیلیشلرینی سورهگنلر.
باشقه بیرتاماندن، قاچقینلر قیینچیلیکلرینی حل قیلیش بوییچه عالی کمیسیونی سوزلاوچیسی احمدالله وثیقنینگ ایتیشیچه، قیتگن قاچقینلر اینیقسه عیاللر قیینچیلیکلری حلی اوچون سعیوحرکتنینگ دوامی بار. اونینگ کوپهیتیریشیچه: «ایران و پاکستان دن چیقریلیشنینگ دوامی بار؛ اوتگن بیر آیدن کوپراق وقتده ۱۸۸ مینگ ۹۵۹ قاچقین مملکت گه قیتیب و بو کمیسیون آرقهلی اولرنینگ قیینچیلیکلری حل بولگن.»
شوندهی بیرحالده، عیال حقوقی فعاللریدن قطاری هم، قیتریلگن عیاللر برابریدهگی قیینچیلیکلر حلینی مهم دیب و ایتیشیچه، اسلام امیرلیگی فایدهلی دستورلرنی قولگه آلیش و اولرنینگ نیازلریگه اولویت بیریش بیلن عیاللر جبرلنیشینینگ کمهیشیگه یاردم بیرهدی. عیال حقوقی فعاللریدن تهمینه منگلنینگ ایتیشیچه: «کمبغللیک، باشپنهسیزلیک و تعلیمدن محروم بولیش سبب، مملکت گه قیتریلگن عیاللر هر کونی روحی زیانلرگه چلینگنلر. عاجل حمایتی مرکزلر اولر اوچون توزهتیلیشی همده ایش و تعلیم و حقوقی حمایتلر امکانیتی یرهتیلیشی کیرهک.»
اوتگن هفته سهشنبه کونی افغانستان ده بیرلشگن ملتلر تشکیلاتینینگ اورینباسرلیک هیئت ادارهسی، سونگی ایکی ییلده افغانستان گه قیتریلگن بیش میلیوندن، قریب اوچدن بیر قسمینینگ عیاللر و قیزلر تشکیل بیرهدی دیب معلوم قیلگن که بو گروهلر کوپراق جبرلنیش خوفی استیده دیر.
