ایتیلشیچه ترکیه معارف بنیادی نینگ کابل‌ده‌گی مکتب‌لریدن بیرقطارینی درس‌لری امنیتی تهدیدلر و اسلامی امارت استخبارات اداره‌سی نینگ مصلحتی اساسیده، بو کون سه‌شنبه ۱۸-ثور دن باشقه بیر نیچه کون‌گچه توخته‌تیلگن.
کابل ده ترکیه معارف بنیادی نینگ قیزلرگه خاص مکتبی مسوولی عبدالمحیط عزیزی سلام‌وطندار بیلن اوتکزگن صحبتیده، بو بنیاد گه تیگیشلی ایکی مکتب درس‌لری وقتینچه لیک توخته‌تیلگنینی تصدیق‌لب، بو قرار اسلامی امارت بیلن ترکیه معارف بنیادی نینگ مصلحتی دن کیین، آلینگن لیگینی معلوم قیلگن.
بیزلرنینگ فیسبوک صحیفه‌میزگه باش اورینگ!
عبدالمحیط نینگ کوپه‌یتیریشیچه: «امنیتی تهدیدلر دیر، جدی قیین‌چیلیک ایمس. اسلامی امیرلیگی و ترکیه معارف بنیادی آره‌سیده مشوره بولگن و بیر هفته‌گچه اوشبو مکتب یاپیله‌دی. استخبارات عمومی ریاستی تامانیدن بیزلر نی جریان گه قویگنلر، حاضر هم بیزلر بیلن هماهنگ‌لر، ایتگنلر که دشت‌برچی پارتلشی کبی بولمه‌سین دیب آز مدت‌گچه مکتب نی یاپدیلر.»
باشقه بیر تاماندن کیم لیگی فاش ایتیلیشی نی ایستمه گن ایریم منبع‌لرنینگ سلام وطندارگه ایتیش لریچه، ترکیه معارف بنیادی نینگ کابل‌نی شهرنوده گی باشلنغیچ مکتبی‌نینگ درس‌لری هم وقتینچه لیک توخته‌تیلگن و مکتب مسوول‌لری ایسه اوقووچیلرگه بو قرار سبب‌نی مکتب بناسی رنگ ایتیلیشی دیب ایتگن.
بیزلرنینگ توییترده هم تعقیب قیلینگ!
بو توغریده معارف وزیرلیگی نینگ فکرینی آلیش ایسته دیک، بیراق کوپینچه سعی و حرکت بیلن موفق بولمه‌دیک.
ترکیه معارف بنیادی نینگ مملکت بویلب ۲۰ مکتب و اورگه تیش مرکزلری بار.
دیمک مملکتده یوز بیرگن سونگی هجوم‌لر اوقوچیلرنینگ خوفسیزلیگی خصوصیده اولرنینگ عایله سی و مکتب‌لر مسوول‌لرینی کوپراق خواطرده قویگن.
