فاریاب معارف ریاستی مسئوللری‌نینگ ایتیشلریچه، ۴-قوس، یک‌شنبه کونی اوشبو ولایت‌ده «تگاب‌هیرک» آتیده بولگن اوغیل باله‌لر مکتب بناسی قوریلیب و فایده‌لنیش گه تاپشیریلگن.
فاریاب معارف باشلیغی محمدطاهر جواد‌نینگ ایتیشیچه، مذکور مکتب بناسی اوشبو ولایت چهلگزی تومنی‌ده ۲.۵ میلیون افغانی عوضی‌گه قوریلگن.
بیزلرنینگ «ایکس» ترماغی ده هم تعقیب قیلینگ!
جناب جواد گه کوره، آلتی صنف و ایکی اداره گه ایگه بولگن بو مکتب «ارغندیوال» جمغرمه‌سی مالی حمایتی و محل یشاوچیلر همکارلیگیده قوریلگن.
فاریاب معارف باشلیغی‌نینگ کوپه‌یتیریشیچه، اوشبو مکتب‌نینگ فایده‌لنیش‌گه تاپشیریلیشی بیلن بوندن آلدین چادرلر آستیده تعلیم کوره‌دیگن ۸۰۰دن آرتیق اوقووچی گه تینچ بیر فضا‌ده درس اوقیش زمینه‌سی یره‌تیلگن.
بیزلرنینگ فیسبوک صحیفه‌میزگه باش اورینگ!
شونده‌‌ی بیرحالده، ارغندیوال جمغرمه‌سی مسئوللری‌نینگ ایتیشلریچه، مذکور جمغرمه اوقووچیلر‌‌گه تینچ بیر فضا‌ده تعلیم آلیش زمینه‌سی‌نینگ یره‌تیلیشی و اولر‌نینگ ترغیب بولیشی مقصد، افغانستان‌نینگ هر بیر ولایتی‌ده ۲ ته مکتب قورماقچین.
مذکور مکتب اوشبو ولایت چهلگزی تومنی‌ده قویاش ۱۳۶۳-ییلده ایجاد بولگن؛ بیراق حاضرگچه بناسیز ایکن که، بو جمغرمه بیلن محل یشاوچیلر همکارلیگیده اوشبو مکتب‌گه بنا قوریلیب و فایده‌لنیش‌گه تاپشیریلگن.