فاریاب ولایتی مرکزی میمنه شهری‌ده ۲۵۰ ییتیم و سرپرست‌سیز باله نینگ سیغیش امکانیتی گه ایگه بولگن «مهربان‌لیک اوی» آچیلگن.
مذکور مهربان‌لیک اوی ۱۷-میزان، سه‌شنبه کونی ایش و اجتماعی ایشلر وزیرلیگی معینی محمدزاهد احمدزی آرقه‌لی فاریاب ولایتی محلی مسئوللری نینگ حضوری بیلن آچیلگن.
بیزلرنینگ فیسبوک صحیفه‌میزگه باش اورینگ!
مذکور مهربان‌لیک اوی نینگ آچیلیش مراسمی‌ده ایش و اجتماعی ایشلر وزیرلیگی معینی محمدزاهد احمدزی نینگ ایتیشیچه، اوشبو مهربان‌لیک اوی ییتیم و سرپرست‌سیز باله‌لر نینگ قوللب-قوتلش مقصد آچیلیب و فعالیت گه باشله‌گن.
جناب احمدزی نینگ کوپه‌یتیریشیچه، اوشبو مهربان‌لیک اوی‌ده ۱۵۰ اوغیل و ۱۰۰ قیز باله قبول قیلینیب و اولرنینگ آزیق-آوقت، ساغلیق خذمتلری و اوقوو امکانیت‌لری بودجه‌سی ایش و اجتماعی ایشلر وزیرلیگی تامانیدن تامین‌لنه‌دی.
بیزلرنینگ «ایکس» ترماغی ده هم تعقیب قیلینگ!
ایش و اجتماعی ایشلر وزیرلیگی مسئوللری گه کوره، مملکت بویلب قریب ۱۰ مینگ ییتیم و سرپرست‌سیز باله، مذکور وزیرلیککه تیگیشلی بولگن مهربان‌لیک اوی‌لرده تعلیم و تربیه‌لنیش آستیده قرار تاپگن.
