فاریاب امنیه قوماندانلیگی مسئوللری، اوشبو ولایت پشتونکوت تومنی‌ده یوز بیرگن ترافیکی حادثه نتیجه‌سیده، ۳ کیشی اولیب و یره‌لنگنی‌دن خبر بیرگنلر.
فاریاب امنیه قوماندانلیگی سوزلاوچیسی عبدالله مرادی‌نینگ ایتیشیچه، مذکور حادثه بوگون توش‌دن آلدین (۳۰-دلو، سه‌شنبه)، بو ولایت پشتونکوت تومنی‌نینگ «عرب آقسای» منطقه‌سیده، ایکی تیزرفتار موتر‌نینگ توقنشگنی سبب یوز بیرگن.
بیزلرنینگ «ایکس» ترماغی ده هم تعقیب قیلینگ!
جناب مرادی‌نینگ کوپه‌یتیریشیچه، هیداوچیلر‌نینگ تیزه هیده‌شی و احتیاط‌سیزلیگی نتیجه‌سیده یوز بیرگن مذکور ترافیکی حادثه‌ده، ۷۰ یاشر بیر عیال اولیب و ایکی کیشی ایسه یره‌لنگن.
فاریاب امنیه قوماندانلیگی سوزلاوچیسی، دوشنبه کونی هم اوشبو ولایت اندخوی تومنی‌ده یوز بیرگن باشقه بیر حادثه نتیجه‌سیده، ایکی کیشی‌نینگ اولیب و یره‌لنگنی‌نی ایتگن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، مملکت‌نینگ قطار ولایتلریده یوز بیره‌دیگن ترافیکی حادثه‌لردن کوپینچه‌سی‌نینگ سببی، هیداوچیلر‌نینگ هیده‌شی، احتیاط‌سیزلیگی و سرک‌لر بوزوق‌لیگی دییلگن.
