فاریاب ده محلی مسئوللر، ۲۶-حوت، یک‌شنبه کونی اوشبو ولایتده یوز بیرگن اَیری ایکی ترافیکی حادثه نتیجه‌سیده، ۷ کیشی اولیب و یره‌لنگنی‌دن خبر بیرگنلر.
فاریاب امنیه قوماندانلیگی سوزلاوچیسی عبدالله مرادی‌نینگ ایتیشیچه، بیرینچی حادثه «کرولا» رسوملی بیر موتر بیلن یوک تاشووچی بیر موتر و بیر موترسایکل‌نینگ توقنشگنی نتیجه‌سیده یوز بیرگن.
بیزلرنینگ فیسبوک صحیفه‌میزگه باش اورینگ!
فاریاب امنیه قوماندانلیگی سوزلاوچیسی‌نینگ کوپه‌یتیریشیچه، اندخوی-شبرغان قتناو یولی‌ده یوز بیرگن بو حادثه نتیجه‌سیده، موترسایکل هیداوچیسی اولیب و باشقه بیر کیشی یره‌لنگن.
شونده‌ی بیرحالده، فاریاب معلومات و مدنیت باشلیغی شمس‌الله محمدی‌‌نینگ ایتیشیچه، ایکینچی حادثه اوشبو ولایت دولت‌آباد تومنی‌نینگ جنگل منطقه‌سیده یوز بیریب و بیش کیشی یره‌لنگن.
بیزلرنینگ «ایکس» ترماغی ده هم تعقیب قیلینگ!
جناب محمدی‌گه کوره، بو حادثه «هایلکس» رسوملی بیر موتر‌نینگ سرک‌دن چیقیب و چپه بولگنی نتیجه‌سیده، یوز بیرگن.
ایتیلیشچه، مذکور ترافیکی حادثه‌لر سببی، هیداوچیلر‌نینگ تیز هیده‌شی و احتیاط‌سیزلیگی دییلگن.
