فاریاب ولایتی پشتونکوت تومنیده بیر عیال، بیر ایرکک نی بالته بیلن اولدیرگن.
منبع‌لر نینگ ایتیشلریچه، مذکور ولایت نینگ پشتونکوت تومنیده بیر عیال بیر ایرکک کیشینی بالته بیلن اولدیریب و جسدینی کومگن.
اوشبو واقعه اوتگن کون فاریاب ولایتی پشتونکوت تومنی «چییک گلیم‌باف» قیشلاغیده یوز بیرگن.
بیزلرنینگ فیسبوک صحیفه‌میزگه باش اورینگ!
بیر منبع نینگ سلام‌وطندار گه ایتیشیچه، عبدالمؤمین اسملی کیشی گلیم‌باف قیشلاغیده بیر کون آلدین یوقالگن ایدی، جسدی بیر عیال نینگ اویی دن تاپیلگن.
منبع نینگ کوپه‌یتیریشیچه، مذکور ایرکک کیشی عیال دن نامشروع ایسته‌گی طفیلی اونی بالته بیلن اولدیرگنینی قبول قیلگن اوشبو عیال.
باشقه بیر معلومات اساسیده، اوتگن کون شام چاغی ساعت ۷:۰۰ اطرافیده، پشتونکوت تومنی «تیلان» قیشلاغیده خیرمحمد اسملی بیر کیشی، نامعلوم قوراللی کیشی‌لر تامانیدن اولدیریلگن.
بیزلرنینگ توییترده هم تعقیب قیلینگ!
فاریاب معلومات و مدنیت باشلیغی شمس‌الله محمدی گه کوره، واقعه گه دایر اسلام امیرلیگی کوچلری تامانیدن ایکی کیشی قولگه آلینگن.
