فاریاب معلومات و مدنیت باشلیغی شمسالدین محمدینینگ ایتیشیچه، ایران دن افغانستانلیک قاچقینلرنینگ جبری شکلده چیقریلیش جریانی دوام قیلگنی بیرحالده، حاضرگچه ۳۰ دن آرتیق موترده قریب ۶۰۰ قاچقین، بو ولایتده انتقال تاپگن.
جناب محمدینینگ کوپهیتیریشیچه، بو اقدام فاریاب ولایتیدهگی خیرلی کیشیلر، صرافلر بیرلشمهسی و یاشلرنینگ همکارلیگی بیلن صورت تاپیب و قاچقینلر ایسه تیکین روشده بو ولایتگه انتقال بیریلگنلر.
بیزلرنینگ فیسبوک صحیفهمیزگه باش اورینگ!
شوندهی بیرحالده، هرات دن مهاجرلرنی تاشووچی موترلر کاروانی، مذکور ولایت مرکزی میمنه شهریگه کیریشدن سونگ، فاریاب ولایت مقامی اورینباسری، عالملر کینگشی باشلیغی، معلومات و مدنیت باشلیغی، قوم بویوکلری و یشاوچیلر تامانیدن کوتیب آلینگن.
فاریاب ولایت مقامی اورینباسری نصرتالله فیضانینینگ ایتیشیچه: «اسلام امیرلیگی رهبری دایم قاچقینلر یانیده توختهگن و کوچیمیز ییتیشگونچه قدر، اولرگه همکارلیک قیلهمیز. تیگیشلی تومنلریگه قاچقینلرنی انتقال بیریش جریانی، موظف کمیسیون تامانیدن تیکین روشده دوام قیلهدی.»
بیزلرنینگ «ایکس» ترماغی ده هم تعقیب قیلینگ!
شونینگدیک فاریاب عالملر کینگشی باشلیغی حیاتالله حلیم، یاردم بیرووچیلردن قدردانلیک قیلیب و ایتیشیچه: «ایناغهلریمیزنینگ مملکت گه قیتیشیدن خورسندمیز. اولردن حمایت قیلهمیز و اولرنینگ یانیده توختهیمیز.»
ایتیلیشچه، فاریاب ولایتیگه قاچقینلرنینگ انتقال بیریش جریانی دوام قیلماقده و مسئول نهادلر همده خیرلی کیشیلر بو جریاننینگ قولیلشیشی توغریسیده اونملی رول اوینهماقدهلر.
