بیرلشگن ملتلر تشکیلاتی نمایندهلیگی (یوناما) اورین باسری اندریکا راتواتهنینگ افغانستانده ماموریتی یکونلندی.
تشقی ایشلر وزیرلیگی، بوگون (۱ حوت/۲۰ فبروری، جمعه) ایکس صحیفهسیده بیر بیانیه ترقهتیب، افغانستانده بیرلشگن ملتلر تشکیلاتی نمایندهلیگی (یوناما) اورین باسری امیرخان متقی بیلن اوچرهشیب و بو مملکتده ماموریتی یکونلنگنینی ایتگن.
بیانیه گه کوره، اوشبو خیرلش اوچرهشوده، افغانستانده بیرلشگن ملتلر تشکیلاتی نمایندهلیگینینگ اورین باسری جورجت گانیون هم بولگن و تامانلر کابل و خلقارا تشکیلاتلر اورتهسیدهگی همکارلیک و موافقلشتیریش مسئلهلری حقیده بحث ایتگنلر.
بو اوچرهشوده امیرخان متقی، اندریکا راتواتهنینگ انسان پرورلیک یاردملرنی موافقلشتیریش بوییچه رولی اوچون منتدارلیک بیلدیرگن. اندریکا راتواته ایسه افغانستاندهگی ماموریتینی تجربه و یخشی خاطرهلر بیلن توله دیب تعریفلهگن.
اندریکا راتواته قویاش ۱۴۰۲ ییل آخریدن بیری افغانستانده انسان پرورلیک یاردملرنی موافقلشتیروچی صفتیده فعالیت قیلگن و حاضر اونینگ اورنیده کیم تعیینلنیشی حقیده ایضاح کیریتیلمهگن.
