فراه ده محلی مسئوللرنینگ ایتیشلریچه، اوشبو ولایتده یوز بیرگن سوو تاشقینی نتیجهسیده اولگنلر سانی ۲۲ و یرهلنگنلر سانی ایسه ۲۵ کیشیگه آشگن.
فراه ده طبیعی حادثهلرگه قرشی کورهش باشلیغی محمداسرائیل سیارنینگ سلاموطندار گه ایتیشیچه، بوگون توشدن کیین ساعت ۰۱:۰۰ اطرافیده، اوچ عایله مذکور ولایت پشتکوه تومنینینگ «کوجر» قیشلاغیده جایلشگن تاققه دم آلیش اوچون بارگنی چاغیده، اوشبو جایده سوو تاشقینی یوز بیرگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه، پشتکوه تومنیده سوو تاشقینی یوز بیرگنی عاقبتیده، ۲۱ کیشی اولیب و بیش کیشی یرهلنگن. فراه طبیعی حادثهلرگه قرشی کورهش باشلیغیگه کوره، اولگن کیشیلر آرهسیده عیاللر و بالهلر هم شامل دیر.
جناب سیارنینگ اورغولشیچه، فراه ولایتی بکواه تومنیده هم یوز بیرگن سوو تاشقینی نتیجهسیده، بیر کیشی اولیب و باشقه ۲۰ کیشی یرهلنگن.
بیزلرنینگ «ایکس» ترماغی ده هم تعقیب قیلینگ!
اونگه کوره، امنیتی، ساغلیق و یاردم بیرووچی تیملری سوو تاشقینیده بند قالگن کیشیلرنی چیقریش و قوتقریش مقصد منطقهگه کیتگنلر. محمداسرائیل سیارنینگ ایتیشیچه، مذکور سوو تاشقینی یوز بیرگنی نتیجهسیده، آلتی یشش اوی، ۸۰۰ تخته سولر و بیر مینگ ۹۶۰ جریب ایکینچیلیک ییر هم بوتونلی اورتهدن کیتگن.
سرپرست حکومت ترانسپورت و هوا یوللری وزیرلیگینینگ هواشناسلیک ریاستی، اوتگن کونی، مملکت ۳۲ ولایتیده کوچی قار و یامغیر یاغیشی و سوو تاشقینلر یوز بیریشی احتمالیدن آگاهلنتیرگن ایدی.
