بالیوودنینگ تانیقلی یولدوزی سیف علی‌خان، هندوستان ممبی شهری غرب حدودلری گه قره‌شلی «باندرا» منطقه‌سییده، ناتانیش کیشیلرنینگ یشش اویی گه باستیریب کېریب و پیچاق بیلن هجوم قیلیشلری طفیلی آغیر یره‌لنگن.
هندوستان تایمز گه کوره، اوشبو واقعه بوگون (۲۷-جدی، پنج‌شنبه) محلی وقت بیلن ایرته‌لب ناتانیش کیشیلرنینگ هندوستان بالیوود اکتیوری سیف علی‌خان و تورموش اورتاغی کارینا کپورنینگ یشش اویی گه باستیریب کېلیب و اولرنینگ پیچاق بیلن هجوم قیلیشلری طفیلی یوز بیرگن.
بیزلرنینگ فیسبوک صحیفه‌میزگه باش اورینگ!
هندوستان پولیس رسمی‌لری‌نینگ ایتیشلریچه، بوگون ایرته‌لب ساعت ۲:۳۰ اطرافی‌ده ناتانیش کیشیلر بو اکتیورنینگ یشش اویی گه کېریب و اوی قوروقچیلریدن بیری بیلن توقنشگن و سیف علی‌خان احوال‌نی تینچ‌لشتیریش اوچون اره‌لشگن پیتده، ناتانیش کیشیلر اونگه پیچاق بیلن هجوم قیلگن.
معلومات‌لر اساسیده، اونینگ ایکّی یره‌سی آغیر و بیری ستون فقرات گه یقین دیر و خوفلی بولیشی ممکن.
پولیس گه کوره، هجومچی واقعه‌دن سۉنگ محل‌دن قاچگن و قولگه آلیش اوچون سعی-حرکت قیلماقده‌لر.
بیزلرنینگ «ایکس» ترماغی ده هم تعقیب قیلینگ!
معلومات‌لر گه بناً، بو هجوم‌ده سیف علی‌خان‌نینگ تورموش اورتاغی کرینا کپور و باله‌لری تیمور و جی گه ضرر یېتمه‌گن.
سیف علی‌خان، هندوستان بالیوود سینماسی‌نینگ تانیقلی یولدوزلریدن بیری سنله‌دی و اونلب فلم گه رول اوینه‌گن.
سیف علی‌خان هندوستان پایتختی ینگی دهلی‌ده مسلمان آته-آنه‌دن دنیا گه کېلگن.
