بلوچ آزادلیک شبهه نظامیلر، سونگی کونلرده پاکستان حکومتی اوچون ایریم قیینچیلیکلر گه سبب بولگن. پاکستانلیک طالبلر (تیتیپی) اعضالرینینگ هجوملری نسبی کمهیشی بیلن بیرگه، بلوچ آزادلیک شبهه نظامیلر، پاکستان حکومتی گه قرشی ریجهلی هجوملرنی اویوشتیرماقده.
بلوچ آزادلیک شبهه نظامیلر، بلوچستان ایالتیده ریجهلی عملیاتلری دوامیده، پاکستان حربی کوچلریگه آغیر تلفات ییتکیزگن.
ندای بلوچ آژانسی گه کوره، اوشبو هفته شنبه کونی بلوچ گروهلرنینگ سونگی عملیاتینی بلوچ آزادلیک شبهه نظامیلر رهبری بشیر زیب ییتکچیلیک قیلگن.
ندای بلوچ آژانسی تامانیدن بشیر زیب ویدیوسی ترقهلگن، او اهالینی پاکستان حکومتی گه قرشی کورهش گه چقیرهدی.
منطقهدهگی ییتکرمهلر پاکستان حربی کوچلرینینگ قریب ۲۰ نفری اولگنیدن خبر بیرگنلر. بلوچ آزادلیک شبههنظامیلر، آیاسآی ادارهسیده آصفه منگل تامانیدن هجوم اویوشتیریلگنینی بیلدیرگن.
پاکستانده امنیتی واقعهلر، منطقه و دنیا مقیاسیده کینگ مناسبتلر گه سبب بولگن. امریکا، چین و بیرقطار عرب مملکتلری، ترورچیلیک برابریده پاکستاننی قوللب-قوتلب، بلوچلر هجومینی قارهلشگن.
پاکستان حربی و نا حربی عملدارلری، بلوچلرنینگ هجومیگه کینگ کولمده مناسبت بیلدیرگن. پاکستان عالملر کینگشی باشلیغی طاهر محمود اشرفی، بلوچلر هجومینی قارهلب و بوتوغریده هندوستاننی مسئول بیلگن.
پاکستانده ناتینچلیکلر آشیشی مهم سوال گه ایلنگن؛ بو اوزگریشلر ایلدیزی قییرده و نیگه بلوچلر کینگ کولملی هجومگه قول اورگن؟
حربی ایش بیلرمان اسدالله ندیم، بلوچلر مسئلهسینی قومی و مستقللیککه ایریشیش دیب بیلهدی. او شوندهی دییدی: «بلوچلر مسئلهسی پاکستاننینگ ایچکی مسئلهسی، قومی و مستقللیک ایریشیش دیر. البته کی تشقی ارهلشوولر بار و پاکستان منطقهدهگی بعضی مملکتلر بیلن ایسکیدن دشمن و بیرقطار هجوملرنی اویوشتیرهدی.»
خلقارا مناسبتلر بیلرمانی محمود اضطرابی، پاکستاندهگی امنیتی اوزگریشلرنی منطقهده پاکستاننینگ ارهلشو سیاستیگه باغلیق دیب بیلهدی.
اونینگ فکریچه: «پاکستاندهگی خوفسیزلیک اوزگریشلر اوزاق مدتلی و تاریخی ایلدیزی بار. هندوستان اوشبو زورآورلیکده پاکستاننی مغلوب قیلیش گه حرکت قیلماقده. پاکستان سیاستی هردایم ناتینچ قیلیش بولگن. مملکتلرنینگ منفعتی ضدیگه بولسه پاکستان بوندهی واقعهلر گواهی بولهدی. بو رقابت قنچهلیک منفی بولسه، اوشبو مملکتده وضعیت ترنگلشهدی.»
پاکستان سونگی ییللرده مثلی کوریلمهگن درجهده کوچهیب بارهیاتگن خوفسیزلیک حادثهلر گه گواه بولگن؛ بو حادثهلر مملکت ایچیدهگی هجوملردن تارتیب، قوشنی دولتلر بیلن توقنشوولرگچه دوام ایتماقده.
