اروپا پارلمانی، اروپا بیرلشمهسیگه اعضا مملکتلر آرقهلی قبول قیلینگن قطعنامه بیلن، فلسطین نی مستقل بیر مملکت صفتیده تن آلینیشینی ایستهگن.
اروپا پارلمانی، قطعنامهسیده عاجل آتیش کیسین برقرار بولیشی، گروگه آلینگنلرنینگ شرطسیز شکلده آزاد بولیشی و نوار غزه ده توقنشوولرنینگ یکونلنیشینی سورهگن.
اروپا پارلمانی قطعنامهسی، اسرائیل امنیتی و اوزیدن دفاع قیلیش حقینی تن آلهدی؛ لیکن بو مسئله غزه ده بیفرق و ترتیبسیز حربی حرکتلرگه اساس بوله آلمهیدی دیب، تاکیدلهگن.
اروپا پارلمانیده تقدیم ایتیلگن قطعنامه گه ۳۰۵ ایجابی آواز، ۱۵۱ سلبی آواز و ۱۲۲ طرفسیز آواز بیریلگن.
شونینگدیک بوندن آلدین اروپا پارلمانی، اصولی شکلده فلسطین مملکتینینگ تن آلینیشینی حمایت قیلگن. اروپا پارلمانی، برچه نهادلر و اروپا بیرلشمهسیگه اعضا مملکتلردن ایکی دولت ییچیم یولیگه تعهد بوییچه تضمین اوچون، دیپلماتیک آدیملر آلیشلرینی ایستهگن.
پارلمان قطعنامهسی، نوار غزه گه اسرائیل هجوملری دوام قیله یاتگنی بیرحالده تصویب بولماقده.
