مهاجرلر و باش پنه ایزلاوچیلر وزیرلیگی سرپرستی خلیل‌الرحمان حقانی، اوتگن کون (دوشنبه، ۲۷-قوس/ ۱۸-دسمبر)، خلق‌ارا قاچقینلر کونیدن نشانلش مناسبتی بیلن، حکومت نینگ اطلاعات و ییتکیرمه‌لر مرکزی‌ده یولگه قوییلگن برنامه‌ده ایتیشیچه، افغانستان یشاوچیلریدن ۷ میلیونی تورکیه، ایران، پاکستان و باشقه مملکت‌لرده مهاجر صفتیده حیات کیچیریب کیلماقده.
او، میزبان مملکت‌لردن افغانستان‌لیک قاچقینلر نینگ جبردن چیقریلیش جریانی گه چیک قوییش‌لرینی سوره‌گن.
مهاجرلر و باش پنه ایزلاوچیلر وزیرلیگی سرپرستی نینگ کوپه‌یتیریشیچه: «افغانستان یشاوچیلریدن ۷ میلیونی قوشنی و باشقه مملکت‌لرده مهاجر دیر و مملکت‌لر افغانستان‌لیک قاچقینلر نینگ جبردن چیقریلیش جریانی گه چیک قوییشلری کیره‌ک.»
شونده‌ی بیرحالده، اسلام امیرلیگی باش وزیری نینگ اقتصادی اورین باسرلیگی، هوا اوزگریشی، اقتصادی قیین‌چیلیک و سونگی نیچه دهه اوروشلرنی، مهاجرت گه سبب بوله‌دیگن اصلی عامل‌لردن عنوان قیلگن. اسلام امیرلیگی باش وزیرلیگی نینگ اقتصادی اورین باسری عبدالغنی برادر، خصوصی سکتوردن، قوشنی مملکت‌لردن قیتگن قاچقینلر گه ایش زمینه‌سینی یره‌تیش‌لرینی ایسته‌گن.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی باش وزیرلیگی اقتصادی اورین‌‌باسری نینگ ایتیشیچه: «خصوصی بولیم‌ده ایش زمینه‌سی یره‌تیلیشی اوچون سعی و حرکت قیله‌میز و قاچقین‌لردن مملکت گه قیتیشلری نی ایسته‌یمیز و اسلام امیرلیگی حیات کیچیریشلری اوچون زمینه یره‌ته‌دی.»
عین حالده، اسلام امیرلیگی باش وزیری نینگ اقتصادی اورین باسرلیگی گه کوره، قاچقینلر قیینچیلیگینی حل قیلیش عالی کمیسیون، حاضرگچه ۵۸ مینگ‌دن آرتیق عایله نی ثبت قیلگن دیر.
اسلام امیرلیگی باش وزیری نینگ اداری اورین باسری و مملکت گه قیتگن قاچقینلر قیینچیلیگینی حل قیلیش عالی کمیسیون باشلیغی عبدالسلام حنفی نینگ ایتیشیچه، سرپرست حکومت پاکستان دن قیتگن قاچقینلر اوچون ایش زمینه‌سی یره‌تیلیشی خصوصیده سعی و حرکت قیلماقده.
اونینگ کوپه‌یتیریشیچه: «قوشنی‌لر جبردن چیقریش گه اقدام قیلگنلر و اسلام امیرلیگی اونینگ درست شکلده مدیریت قیلیش نی ایسته‌دی و قاچقینلر گه اوز ولایت‌لریده بیر نمره ییر ترقه‌تیله‌دی، سوداگرلیک ایشی بیلن شغللنگن کیشی لر گه مملکت‌ده سرمایه یاتقیزیلیش زمینه‌سی یره‌تیلیشی ممکن.»
شونده‌ی بیرحالده، افغانستان‌لیک قاچقین‌لردن قطاری قوشنی مملکت‌لرده‌گی قاچقینلر وضعیتی‌دن خواطر بیلدیریب ایتیشلریچه، ایش‌سیزلیک، قشاق‌لیک و خوفسیزلیک، اولر نینگ باشقه مملکت‌لر گه مهاجر بولیشلری گه سبب بولگن موردلردن دیر.
خوفسیزلیک قیین‌چیلیک‌لر سبب اون ییل آلدین تورکیه گه باش پنه ایزلب بارگن افغانستان‌لیک قاچقین‌لردن نوراحمد یورتداش نینگ ایتیشیچه، تورکیه ده قاچقینلر سانی کوپه‌یشی سبب، مذکور مملکت یشاوچیلری قاچقینلر بیلن تبعیض‌لی یانده‌شه‌دیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «خبرچی ایدیم و جمهوریت دوره‌سیده امنیتی واقعه‌لر کوپه‌یگنی سبب، تورکیه گه مهاجر بولدیم و ۱۰ ییل‌دن بیری شوو ییرده حیات کیچیره‌من. ایکی ییل‌دن بیری تورکیه ده مهاجرلر سانی کوپه‌یگن و تورکیه اهالی‌سی حساسیت کورسته‌دی و اقامت‌لری نی باطل بولیشی اوچون دولت گه فشار کیلتیره‌دیلر.»
پاکستان دهگی افغانستان‌لیک قاچقین‌لردن بیری مجاهد‌خان شینواری نینگ ایتیشیچه، اوشبو مملکت‌ده حجت‌سیز و ناقانونی قاچقینلر نینگ قولگه آلینیش پرسه‌سی تیزلنتیریلگن. «اوزگریشلر سبب، پاکستان گه کیلگن قاچقینلر گه قاچقین‌لردن حمایت قیله‌دیلر نهاد‌لر اعتبار قره‌تمه‌ی و پولیس اولر نینگ قولگه آلیب و چیقره‌دی.»
شونینگدیک، ایران دهگی قاچقین‌لردن بیری پروانه نینگ ایتیشیچه، قشاق‌لیک و ایش‌سیزلیک اوچون ایران گه مهاجر بولگن ایکن و حاضر ایسه، او اوزی و عایله اعضاسی نینگ چیقریلیشی دن خواطر ده دیر.
قاچقینلر وزیرلیگی مسئوللری گه کوره، مملکت ده اوچ میلیون ایچکی آواره آچیق فضا ده حیات کیچیریب کیلماقده و اولر ارا قریب بیر میلیون ۳۵۰ ته‌سی منطقه‌لری گه قیتگنلر.
