تخار ولایتی ایکینچیلیک، سووغاریش و چاروهچیلیک ریاستی، تجارتی باغدارلیکنی رواجلنتیریش و ایکینچیلیک محصولاتلری آشیریلیشی مقصدیده، اوشبو ولایتنینگ بیش تومنیده «املوک» باغلرینی قوریش جریانینی باشلهگن.
تخار ایکینچیلیک ریاستی مسئوللریگه کوره، ایکینچیلیک ریاستینینگ تخنیکی هیئتی تامانیدن شرطنامه امضالهگن شرکت آرقهلی تیارلنگن ۲ مینگ ۸۰۰ املوک کوچت تېکشیریلگن.
مذکور ریاست، اوشبو کوچتلر سلامتلیگی و تخنیکی معیارلر گه تینگلیگی تصدیقلنگچ، دشتقلعه، ینگیقلعه، خواجه بهاوالدین، درقد و فرخار تومنلریده انتقال بیریش و ایکیش جریانی باشلنگنینی قوشیمچه قیلگن.
مسئوللرنینگ ایتیشیچه، اوشبو نهاللر ۲۸ جریب ییرده املوک تجارتی باغی قوریلیشی اوچون نظرگه آلینگن و فایدهلنوچیلرنینگ هر بیریگه ۲۰۰ نهال ترقهتیلهدی.
بو ایشدن مقصد، ستندرد باغلرنی رواجلنتیریش، ایکینچیلیک ییرلردن یخشی قوللنیش و دهقانلرنینگ اقتصادی احوالی یخشیلنیشی و محلی اقتصاد رواجلنیشی دیېلگن.
