قیش موسومی ییتیب کیلیشی و هر کونی ایران دن مینگلب افغانستان‌لیک قاچقین قیتیشی بیلن، مملکت گه قیتگن قاچقین‌لر ایش زمینه‌سی یوق‌لیگیدن نالیسه‌لرده، بیراق ایران ده‌گی افغانستان‌لیک قاچقین‌لر، اوشبو مملکت دولتی تامانیدن قاچقین‌لر گه قرشی یره‌تیلگن چیکلاولردن شکایت قیلهدیلر.
سونگی بیر آی ده ایران دن جبر دن چیقریلگن سرپل یشاوچیسی بصیر امیری و نیمروز یشاوچیسی هارون نینگ ایتیشلریچه، قیین احوال ده حیات کیچیریشماقده و افغانستان ده ایش فرصت‌لری یوقلیگی باعث ینه بیر مرته ایران باریش گه قرار قیلگنلر.
سرپل‌لیک بصیر امیری گه کوره: «پاسگاه اوشلب دیپورت قیلدی، قاچقین‌لر بیلن یامان یانده شه‌دیلر، پولینگ بولسه افغانستان گه دیپورت قیله‌دی بولمسه زندانی، ایکی آی آلدین افغانستان گه کیلگن ایدیم ایش یوقلیگی اوچون قیته دن ایران گه باردیم، ینه دیپورت بولدیم، بو ییرده شرایط یخشی ایمس، اوچینچی مرته ایران گه باریش گه قرار قیلگن من.»
بیزلرنینگ فیسبوک صحیفه‌میزگه باش اورینگ!
نمیروز یشاوچیسی هارون نینگ ایتیشیچه: «ایران ده مین و آنه‌م یالغیز ایدیک مین ایشلر ایدیم، اوشلب دیپورت قیلدیلر بیز دن پول آلیشه‌دی برچه ایشله‌گن پولیمنی آلدیلر، حاضرگچه بیکار من، اگر ایش بولمسه او ییر گه هیچ قچان بارمه‌ی من.»
سونگی کونده ایران نینگ رسمی آژانسی ایرنا، اون کون ایچیده افغانستان‌لیک ۲۴مینگ دن آرتیق مهاجر ایران دن چیقریلگنینی معلوم قیلگن.
ایران ده‌گی ناقانونی قاچقین‌لر دن محمود نینگ ایتیشیچه، سونگی کون‌لر ده اتاق کرایه‌لری و نرخ_نوالر آشیب و قاچقین‌لر نینگ چیقریش جریانی کوپه‌یگن.
اونگه کوره: «ایران ملت وکیل‌لری دن بیری افغانستان‌لیک قاچقین‌لر، اوزلری بو مملکت نی ترک قیلیش اوچون وضعیت نی قیین قیلیش‌لرینی اعلام قیلدی، مثال صورتده اوی اجاره‌سی آشیریلیشی کبی. بو کبی قیینچیلیک‌لر کوپ، اوی اجاره‌سی اوچ میلیون بولسه افغان‌لر دن بیش میلیون آله‌دیلر، حقوق‌لرینی وقتیده بیرمه‌یدیلر.»
برچه‌سی بیلن، اسلام‌قلعه ده قاچقین‌لر ایشلری بوییچه مسئوللر، اوشبو بندر آرقه‌لی ایران دن ۱۰ مینگ مهاجر قیتگنیدن خبر بیره‌دیلر.
بیزلرنینگ «ایکس» ترماغی ده هم تعقیب قیلینگ!
اسلام‌قلعه چیگره‌سیده باش پناه ایزلاوچیلر اداره باشلیغی عبدالله قیومی نینگ ایتیشیچه، هر کونی ایکی مینگ ۳۰۰ و ایکی مینگ ۵۰۰ کیشی اوشبو یولدن افغانستان گه قیته‌دیلر.
او نینگ کوپه‌یتیریشیچه: «کوپ سانده قاچقین‌لرنی جبردن چیقرماقده‌لر هر کونی ایکی مینگ و ایکی مینگ ۳۰۰ کیشی چیقریله‌دی، ایکی هفته آلدین بیر هفته ایچیده ۲۰ مینگ کیشی جبر دن چیقریلدی، حاضرگی کونده بیر هفته ده ۱۰ مینگ کیشی نی چیقره‌دیلر.»
شونینگدیک، ایران رسمی آژانسی گه کوره، سونگی آلتی آی ایچیده افغانستان‌لیک ۳۲۸مینگ ناقانونی مهاجر ایران دن چیقریلگن.
ایتیش‌کیره‌ک، قاچقین‌لر افغانستان ده ایش یوقلیگی و قیش موسومی ییتیب کیله‌یاتگنیدن خواطر بیلدیرماقده ایکن، هر کونی مینگلب مهاجر ایران و پاکستان دن افغانستان گه قیتماقده.
