داعش گروهی بیر اعلامیه ترقه‌تیش بیلن، چهارشنبه کونی عصر چاغی ایران نینگ کرمان شهری‌ده، قدس سپاه پاسداران کوچلری نینگ سابق قومندانی قاسم سلیمانی اولدیریلگن‌لیگی نینگ تورتینچی ییل‌لیگی مناسبتی بیلن یولگه قوییلگن مراسم‌ده یوز بیرگن خودکش هجوم‌لر مسئولیتی نی تن آلگن.
مذکور گروه ترقه‌تگن اعلامیه‌سیده ایتیشیچه، اوشبو هجوم‌لرده ۳۰۰ کیشی اولیب و یره‌لنگن. داعش گروهی گه کوره، «عمر موحد» و «سیف‌الله مجاهد» اسم‌لی هجوم‌چیلر، اوزلری نی جمعیت آره‌سیده پارتلتگنلر.
بیزلرنینگ فیسبوک صحیفه‌میزگه باش اورینگ!
مذکور خودکش هجوم‌لر، ۱۳-جدی چهارشنبه کونی عصر چاغی، کرمان ولایتی نینگ «گلزار شهدا» منطقه‌سیده قدس سپاه پاسداران کوچلری نینگ سابق قومندانی قاسم سلیمانی اولدیریلگن‌لیگی نینگ تورتینچی ییل‌لیگی مناسبتی بیلن یولگه قوییلگن مراسم گه یوزلب کیشی نینگ شرکت قیلگنی بیرحالده، یوز بیرگن. ایران ییتکرمه‌لری نینگ گزارشی اساسیده، مذکور هجوم‌لرده ۱۰۳ کیشی اولیب و ۱۴۱ کیشی یره‌لنگن.
ایران ایچکی ایشلر وزیری احمد وحیدی نینگ ایتیشیچه، بیرینچی پارتلش چهارشنبه کونی توش‌دن کیین ساعت ۰۳:۰۰ و ایکینچی پارتلش ایسه اهالی نینگ بیرینچی پارتلش‌ده یره‌لنگنلر گه یاردم بیریش اوچون ییغیلگنی پیتده، ساعت ۰۳:۲۰ یوز بیرگن.
بیزلرنینگ «ایکس» ترماغی ده هم تعقیب قیلینگ!
قاسم سلیمانی تورت ییل آلدین عراق ده امریکا نینگ اوچووچی‌سیز اوچاق‌لری تامانیدن نشانگه آلینیب اولدیریلدی.
