ایران اسلامی کینگش مجلسی تصدیقی بیلن اوشبو مملکت دولتی آرقه‌لی چیت‌ایل فقرالرنی چیقریش ریجه‌سی قولگه آلینگنی خصوصیده ایچکی و ایران ییتکرمه‌لریدن قطاری نینگ گزارشی بیلن بیرگه، مذکور مملکت‌‌ده‌گی افغانستان‌لیک قاچقینلر، چیکلاولر و جبری شکلده چیقریلیشلردن شکایت قیلگنلر.
اولرنینگ ایتیشلریچه، اجتماعی قیین‌چیلیکلرگه علاوه ایران پولیسی هم، حجتلی و حجتسیز قاچقینلرنی قولگه آلیب و بعضا ایسه قاچقینلرنی آزار و اذیت قیله‌دی.
بو توغریده ایران ده‌گی افغانستان‌لیک قاچقینلردن بیری فردوس نینگ ایتیشیچه: «پاسپورتی بولگن کیشیلر هم تشقری گه چیقه آلمه‌یدیلر و پاسپورتلر نینگ تمدید بوله‌دیگن جایلرده هم حاضر ایشلمه‌یدیلر. پولیس قولگه آلگنی‌ده یا چیقره‌دی یا-ده پول آله‌دی. پول بیرمه‌گنیمیز پیتده کلتک‌له‌یدی.»
بیزلرنینگ فیسبوک صحیفه‌میزگه باش اورینگ!
شونینگدیک ایران ده‌گی افغانستان‌لیک قاچقینلردن باشقه بیری عزیز نینگ ایتیشیچه: «پولیس قولگه آلگنی‌ده کلتک‌له‌یدی و پول بیرمه‌گنیمیز پیتده قوییب یوباره‌دی و عکسینچه حالده چیقره‌دی. نانوایخانه و هیچ جایده افغانلر اوچون جای قالگنی یوق.»
ایران ده‌گی قاچقینلر نینگ ایتیشلریچه، حاضر ایسه افغانستان ده ایش زمینه‌سی یوقلیگی سبب، مملکت گه قیتیش‌گه نه امکانیتلری بار و نه ایران ده قالیب ایش قیلیش گه اجازه‌لری بار؛ انه شوو باعث نابیللی بیر احوال‌ده قرار تاپگنلر.
عالی اوقوو گه ایگه بولیب و ایران ده مهاجر بولگن قاچقینلردن بیری هدیه ننیگ ایتیشیچه، قاچقینلر برابریده باسیملر نینگ کوپه‌یگنی برچه قاچقینلرنی خواطرلنتیرگن. «افغانستان ده درس اوقیدیم و ایران گه کیلدم که بیران ایش تاپسه‌م، بیراق بو ییرده حیات کیچیریش کوپ قیین بولگن و هر کون باسیملر کوپه‌یه‌دی.»
عین حالده، سونگی کونلر تورلی مملکتلردن افغانستان‌لیک قاچقینلر نینگ چیقریلیشی کوپهیگن و قاچقینلر نی قبول قیلیش اوچون اقتصادی مناسب ساحه یوقلیگی و شونینگدیک مملکت‌ده ایش‌سیزلیک رقمی کوپلیگی، بیر قطار خواطرلر گه سبب بولگن.
بیزلرنینگ «ایکس» ترماغی ده هم تعقیب قیلینگ!
عین حالده، بیلرمانلر قاچقینلر قیین‌چیلیکلری حل بولیشی خصوصیده دیپلماتیک یوللردن سعی‌وحرکت قیلینیشی و مملکت ایچیده قاچقینلر نینگ قبول قیلینیشی اوچون بولگن منبع‌لر نینگ درست شکلده مدیریت قیلینیشینی بویروغ بیرگنلر.
بو توغریده قاچقینلر ایشلری بوییچه ایش بیلرمان طالبی محمدزی نینگ سلام‌وطندار گه ایتیشیچه: «ایران ده حجتسیز ایکی میلیون‌گچه قاچقین بار که اولر نینگ جبری شکلده چیقریلیش خوفی آستیده قرار تاپگنلری صورت‌ده، اسلام امیرلیگی اوشبو قاچقینلر نینگ جذب قیلینیشی و ایش‌سیزلیک قیین‌چیلیگی حل بولینیشی خصوصیده قاچقینلر خواطرینی حل قیله آله می؟»
شونده‌ی بیرحالده، خلق‌ارا قاچقینلر تشکیلاتی ینگی‌لیکده بیر گزارش ترقه‌تیش بیلن اعلام قیلیشیچه، بیر هفته جریانیده ۵۰ مینگ ۶۳۹ کیشی ایران و پاکستان مقصد افغانستان نی ترک قیلگنلر و شونینگدیک مذکور مدت‌ده ۴۳ مینگ‌دن آرتیق کیشی هم ایران دن قیتگن.
