۲۵-نوامبر، «خلق‌ارا عیاللر گه قرشی زوروانلیکنی آلدینی آلیش کونی»، بو ییل «هیچ قنده‌ی بهانه قبول قیلینمه‌یدی» شعاری بیلن دنیا بویلب نشان‌لنگنی بیرحالده، دنیا و افغانستان ده عیاللر و قیزلر دهه‌لردن بویان عایله‌وی و اجتماعی زوره‌وانلیک‌لر بیلن روپه‌ره‌لر.
تورموش اورتاغی تامانیدن کلتک‌لنیش‌نی تجربه قیلگن غزنی یشاوچیسی بولمیش ۴۵ یاشر ضیاگل‌‌نینگ سلام‌وطندار گه ایتیشیچه: «تورموش اورتاغیم‌نینگ معتاد بولگنی‌دن تورت ییل بوله‌دی؛ کوپریک آستیده دیر. اوی‌گه کیلگنی‌ده بالهلریم بیلن مینی کلتک‌له‌یدی؛ اوی‌دن بیران نرسه‌نی ساتماق اوچون آلیب کیته‌دی. آته‌م و آنه‌م هرات ده حیات کیچیره‌دی.»
شونینگدیک تورموش اورتاغی تامانیدن کلتک‌لنیش‌نی تجربه قیلگن غزنی یشاوچیلریدن باشقه بیری ۳۰ یاشر فرزانه‌نینگ ایتیشیچه: «مینی و بالهلریم نی قولی‌گه کیلگن نرسه بیلن کلتک‌له‌یدی. مینی عصبی قیین‌چیلیگیم بار، باشیم کوپ آغریدی.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن فهیمه سادات‌نینگ ایتیشیچه، باله‌لری اونینگ یاشیده بولگن بیر ایرکک بیلن توی قیلیش‌گه مجبور بولگن. فهینه‌نینگ کوپه‌یتیریشیچه، تورموش اورتاغی آرقه‌لی هیچ قنده‌ی بیر زوره‌وانلیککه روپه‌ره بولمه‌‌گنی بیرحالده، بیراق تورموش اروتاغی‌نینگ اولگنی‌دن کیین، تورموش اورتاغی‌نینگ عایله‌سی تامانیدن کلتک‌لنیب و زوره‌وانلیک بیلن روپه‌ره بولگن و مهر بیلن میراثی‌دن هم محروم بولگن.
اونینگ اورغولشیچه: «۲۶ یاشر ایدیم که تورموش اورتاغی اولگن بیر ایرکک بیلن توی قیلدیم. توی قیلگنیم‌دن اوچ ییل بولگن ایدی که تورموش اورتاغیم سکته قیلدی. اونینگ اولگنی‌دن ۳۳ کون اوتگچ، اوگه‌ی اوغلیم بیلن خاتینی مینی اوی‌دن چیقریب و بیزلر بیلن حیات کیچیره آلمه‌سین دیدیلر. مینی حقیم‌نی هم بیرمه‌دیلر.»
عیال حقوقی فعاللریدن ذکیه علی‌زاده‌نینگ ایتیشیچه، نیچه دهه‌دن بویان عیاللر برابریده زوره‌وانلیک و مجازات‌نی کیچیریش فرهنگی، افغانستان ده عمل‌گه آشیریلگن مدنیت صفتیده بولگن. «قیغو بیلن افغانستان ده اوزون مدت‌لی اوروش‌لر و مدنیت‌لر سبب عیاللر برابریده زوره‌وانلیک عایله و جمعیت‌ده بیر فرهنگ صفتیده بولگن.»
شونده‌ی بیرحالده، اسلام امیرلیگی امر بالمعروف و نهی عن‌المنکر وزیرلیگی مسئوللری‌نینگ ایتیشلریچه، اوتگن اوچ ییلده عیاللر برابریده‌گی زوره‌وانلیک‌لر آلدی آلینیشی خصوصیده یخشی یوتوق‌لر گه ایگه بولگنلر.
اوشبو وزیرلیک سوزلاوچیسی سیف‌الاسلام خیبر‌نینگ ایتیشیچه، اوتگن اوچ ییلده، ۵۵۰۰ جبری شکلده تورموش گه چیقریلیش آلدی آلینیب و شونینگدیک عیاللر برابریده مینگ‌لرچه زوره‌وانلیک دوسیه‌سی حل بولگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «اسلام امیرلیگی‌نینگ قدرت گه ایریشگنی و امرباالمعروف وزیرلیگی ایجاد بولگنی‌دن کیین، میراث و قیزلر حقوقی بولیمی‌ده قریب ۲۱ مینگ یوتوققه ایگه‌میز. اوتگن اوچ ییلده محتسب‌لر آرقه‌لی ۵۵۰۰ جبری تورموش‌گه چیقریلیش آلدی آلینگن.»
باشقه بیرتاماندن، بیرلشگن ملتلر تشکیلاتی‌نینگ عیاللر بولیمی‌گه کوره، دنیا بویلب هر ۱۰ دقیقه‌ده، بیر عیال تورموش اورتاغی یا-ده عایله اعضاسی آرقه‌لی اولدیریله‌دی.
۲۵-نوامبر، بیرلشگن ملتلر تشکیلاتی‌نینگ عمومی مجمع‌سی‌نینگ آوازی بیلن اوشبو تشکیلات‌نینگ ۱۳۴۵۴ قطع‌نامه‌سی اساسیده، خلق‌ارا عیاللر گه قرشی زوروانلیکنی آلدینی آلیش کونی صفتیده نام‌لنگن.