تورکیه جمهور باشلیغی رجب‌طیب اردوغان، بوگون (۲۴-دلو/ ۱۲-فبروری، چهارشنبه)، اوز اکس صحیفه‌سیده، اندونیزیا گه ییتیب بارگنی و عالی درجه‌لی استراتیژیک همکارلیک کینگشی‌نینگ بیرینچی ییغلیشی مناسبتی‌گه، بو مملکت جمهور باشلیغی پرابوو سوبیانتو بیلن اوچره‌شگنی‌دن خبر بیرگن.
تورکیه جمهور باشلیغی، مذکور اوچره‌شووده ایکی مملکت آره‌سیده برق، ایکینچیلیک، سوداگرلیک، تعلیم و باشقه بیر قطار ساحه‌لرده ۱۲ کیلیشوونامه امضالنگنی‌دن خبر بیرگن.
بیزلرنینگ فیسبوک صحیفه‌میزگه باش اورینگ!
جناب اردوغان، اندونیزیا جمهور باشلیغی بیلن مناسبت‌لری کوچه‌یشی و ایکی مملکت آره‌سیده تجارت رقمی‌نینگ آشیشی حقیده صحبت قیلگنی‌نی بیان قیلگن.
شونینگدیک رجب‌طیب اردوغان پرابوو سوبیانتو بیلن اوچره‌شیب، استراتیژیک همکارلیکلر کوچه‌یشی، اقتصادی و مدافعه مناسبت‌لرنی رواجلنتیریش و فلسطین مسئله‌سیدن حمایت قیلیش‌گه تاکید قیلگنلر. «غزه نی ینگی‌دن قوریش‌ده و فلسطین‌‌دن حمایت قیلیش‌ده اندونیزیا بیلن بیرلیکده همکارلیک قیلیش‌گه دوام بیره‌میز.»
بیزلرنینگ «ایکس» ترماغی ده هم تعقیب قیلینگ!
اوشبو سفرده اردوغان‌نینگ تورموش اروتاغی امینه اردوغان، تشقی ایشلر، مدافعه، برق و طبیعی منبع‌لر وزیرلری همراه‌لیک قیله‌دی و رجب‌طیب اردوغان‌نینگ رسمی اوچره‌شوولردن کیین تورکیه-اندونیزیا تجاری مجمع‌سی‌گه شرکت قیلیشی ممکن.
تورکیه جمهور باشلیغی آسیا سفرلری‌ده مالیزیا و اندونیزیا رسمی‌لری بیلن اوچره‌شگنی‌دن کیین، پاکستان گه باره‌دی.
